મહિસાગર,
વર્ષ 2023-24 દરમ્યાન ગુજરાત સરકાર દ્વારા આઝાદી કા અમૃત મહોત્સવ, G20 અને વિશ્ર્વ મહિલા દિવસ અંતર્ગત સ્પોર્ટ્સ ઓથોરીટ ઓફ ગુજરાત આયોજિત જિલ્લા રમત વિકાસ અધિકારીની કચેરી દ્વારા જિલ્લા કક્ષા સીનિયર સીટીઝન (60 વર્ષથી ઉપર ) બહેનોની એથ્લેટીકસ, યોગાસન, ચેસ, રસ્સાખેંચ સ્પર્ધાઓ યોજવામાં આવનાર છે.
સ્પર્ધામાં ભાગ લેનાર ખેલાડીઓએ જિલ્લા રમત વિકાસ અધિકારીની કચેરી, મહીસાગર ખાતેથી સ્પર્ધાના ફોર્મ મેળવી તા. 13/03/2023 સુધીમાં ફોર્મ ભરી કચેરીમાં જમા કરાવવાના રહેશે. મહીસાગર જિલ્લાની સીનિયર સીટીઝન બહેનો માટેની સ્પર્ધા તા. 16/03/2023 રોજ રાખેલ છે. વધુ વિગત માટે જિલ્લા રમત વિકાસ અધિકારીની કચેરીના 9722401848, 9638668566 ફોન નંબર ઉપર સંપર્ક કરવો.તેમ જિલ્લા રમત પ્રશિક્ષણ કેન્દ્ર મહિસાગરની અખબારી યાદીમાં જણાવેલ છે.