ઝાલોદ,
ઝાલોદ વિદ્યા સમાજ ટ્રસ્ટ દ્વારા સંચાલિત કે. આર. દેસાઈ આર્ટ્સ એન્ડ કોમર્સ કોલેજ ઝાલોદ તથા જે.કે દેસાઈ બી.એડ. કોલેજ ઝાલોદનો વાર્ષિકોત્સવ તથા પારિતોષિક વિતરણ કાર્યક્રમ યોજાયો. જેમાં મુખ્ય અતિથિ તરીકે દાહોદ જિલ્લાના લોકલાડીલા સાંસદ જસવંતસિંહ ભાભોર મુખ્ય અતિથિ તરીકે ઉપસ્થિત રહ્યા હતાં. તથા અતિથિ વિશેષ તરીકે ડો. ગીતાબેન કોઠારી (ઈ.સી. મેમ્બર, SGGU), ટ્રસ્ટના ઉપપ્રમુખ અને કોલેજ કેમ્પસ ડાયરેક્ટર એસ. આર. રાવ , DySP ડી.આર.પટેલ, TDO સોનું શર્મા ઉપસ્થિત રહ્યા હતા. તમામે વિદ્યાર્થીઓને પ્રેરણાલક્ષી ઉદ્બોધન કરી પ્રોત્સાહન પુરૂં પાડેલ તથા વર્ષ દરમિયાન કોલેજ દ્વારા કરવામાં આવેલ વિવિધ ઈતર પ્રવૃત્તિઓમાં વિજેતા થયેલ વિદ્યાર્થીઓને ઈનામ તથા રોકડ પુરસ્કાર આપી સમ્માનિત કર્યા હતાં. આ કાર્યક્રમમાં અહેવાલ વાંચન સાહિલ પટેલ અને કિરણબેન પરમાર દ્વારા કરવામાં આવ્યું હતું. આ કાર્યક્રમનું સંચાલન ડો. આશિષ મોદી અને ડો. સંજય દાસ દ્વારા કરવામાં આવ્યું. પારિતોષિક પ્રાપ્ત કરેલાં તમામ વિદ્યાર્થીઓને કોલેજ પરિવારે અભિનંદન પાઠવ્યા હતા. આ ક્રાર્યક્રમમાં ડો. અજીતસિંહ પરમાર દ્વારા તાલીમબદ્ધ NCC CADETS દ્વારા વિશિષ્ટ પ્રદર્શન કરવામાં આવ્યું હતું. કોલેજના પ્રિન્સિપાલ મધુકર પટેલ અને પ્રવીણ પટેલ દ્વારા NCC ના વિદ્યાર્થીઓને પ્રોત્સાહિત કરી ઉત્સાહ વધારવામાં આવ્યો હતો.