મુંબઇ,
સાઉથ સ્ટાર અલ્લુ અર્જુન આ દિવસોમાં તેની ફિલ્મ ’પુષ્પા ૨’ના શૂટિંગમાં વ્યસ્ત છે. અભિનેતાને હાલમાં જ એટલીની ફિલ્મ ’જવાન’ ઓફર કરવામાં આવી હતી, જેમાં શાહરૂખ ખાન મુખ્ય ભૂમિકામાં જોવા મળશે. આ ફિલ્મને લઈને ચાહકોનો ક્રેઝ ત્યારે વધુ વધી ગયો જ્યારે ’પુષ્પા’ ફેમ અલ્લુ અર્જુન પણ આ ફિલ્મમાં જોવા મળશે તેવા સમાચાર સામે આવ્યા હતા.
મળતી માહિતી પ્રમાણે સાઉથના સુપરસ્ટારે એટલાની ઑફર ઠુકરાવી દીધી છે. અલ્લુ અર્જુનને ફિલ્મમાં સ્પેશિયલ કેમિયોની ઓફર કરવામાં આવી હતી પરંતુ તેણે આ ઓફર ફગાવીને ઘણા ફેન્સના દિલ તોડી દીધા છે.
આ દિવસોમાં અભિનેતા ’પુષ્પા ૨’ માટે ટ્રેનિંગ પણ લઈ રહ્યો છે જેના કારણે તેની પાસે અન્ય કોઈ પ્રોજેક્ટ માટે સમય નથી. આ સિવાય વિઝાગ અને હૈદરાબાદમાં ’પુષ્પા ૨’નું શૂટિંગ ઝડપથી ચાલી રહ્યું છે. જ્યારે અભિનેતાએ શાહરૂખ ખાનની ’જવાન’ વિશે વિચારવા માટે પોતાનો સમય લીધો જેમાં તેને ’જવાન’ માટે એક નાનકડો રોલ ઓફર કરવામાં આવ્યો હતો પરંતુ તેને ’પુષ્પા ૨’ સાથે તેને મેનેજ કરવામાં મુશ્કેલી પડી રહી છે.
આ દિવસોમાં અલ્લુ અર્જુન ’પુષ્પા ૨’ સિવાય અન્ય કોઈ પ્રોજેક્ટ માટે કામ કરવા નથી માંગતો. આ ફિલ્મમાં ફિલ્મમાં અલ્લુ અર્જુન સિવાય રશ્મિકા મંદન્ના અને ફહદ ફાસિલ પણ મહત્વના રોલમાં જોવા મળશે, આ સિવાય ’પુષ્પા ૨’માં સાઈ પલ્લવીની એન્ટ્રીના સમાચાર હતા, પરંતૂ આ બાબતને મેર્ક્સ દ્વારા હજુ સુધી કોઈ સત્તાવાર માહિતી આપવામાં આવી નથી.