દાહોદ,
ગરબાડા તાલુકાના ગુલબાર ગામે પાટીયા ફળિયામાં રહેતા બુટલેગરના રહેણાંક મકાનમાં ધમધમતી વિદેશી દારૂની હાટડી પર ગરબાડા પોલીસે ઓચિંતી રેડ પાડી રૂપિયા 60 હજાર ઉપરાંતનો વિદેશી દારૂ-બીયરનો જથ્થો પકડી પાડી કબજે લીધાનું જાણવા મળ્યું છે.
પ્રોહી અંગેની મળેલ બાતમીના આધારે ગરબાડા પોલીસે ગુલબાર ગામે પાટીયા ફળિયામાં રહેતા બુટલેગર મુકેશભાઈ પરથીભાઈ મંડોડના રહેણાંક મકાનમાં ધમધમતી વિદેશી દારૂની હાટડી પર સાંજના સાડા ચારેક વાગ્યાના સુમારે ઓચિંતી ત્રાટકી તેના ઘરમાંથી રૂપિયા 60, 432ની કુલ કંમતની ભારતીય બનાવટના ઈંગ્લીશ દારૂની બોટલો તથા ટીન બીયરની બોટલો મળી બોટલ નંગ-480 પકડી પાડી કબજે લધી હતી. પોલીસની રેડ વખતે બુટલેગર મુકેશભાઈ પરથીભાઈ મંડોડ ઘરે હાજર ન હોવાથી તેને પોલીસ પકડી શકી ન હતી. આ સંબંધે ગરબાડા પોલીસે પ્રોહીનો ગુનો નોંધી આગળની કાર્યવાહી હાથ ધરી છે.