ગોધરા તાલુકાના ઓરવાડા પાસે ટ્રક અને બાઇક વચ્ચેના અકસ્માતમાં પિતા પુત્રનું ઘટનાસ્થળે મોત નિપજ્યું હતું. ગોધરા તાલુકાના ઓર વાડા ગામ નજીક આજે બાઈક અને ટ્રક વચ્ચે ગમખ્વાર અકસ્માત સર્જાયો હતો. દાહોદ તરફથી ગોધરા તરફ બાઇક લઈને આવી રહેલા પિતા પુત્ર ને ટ્રકચાલકે અડફેટે લીધા હતા.
જેમાં બાઇકસવાર પિતા પુત્રનું ઘટના સ્થળે જ કમકમાટી ભર્યું મોત નીપજ્યું હતું. આ બનાવને લઇને ગોધરા તાલુકા પોલીસ ઘટનાસ્થળે દોડી આવી હતી. અકસ્માતને લઇને ઘટનાસ્થળે ગ્રામજનો મોટી સંખ્યામાં દોડી આવ્યા હતા અને એકઠા થયા હતા. અકસ્માત બાદ ટ્રકચાલક ટ્રક ઘટનાસ્થળે જ મૂકી ફરાર થઇ ગયો હતો. પોલીસે ટ્રકના નંબરના આધારે ચાલકની શોધખોળ હાથ ધરી હતી.