નવીદિલ્હી,
રવિવારે દિલ્હીમાં ઓસ્ટ્રેલિયા પર બીજી ટેસ્ટ મેચમાં ૬ વિકેટે જીતના થોડાં કલાક બાદ જ નવી સિલેક્શન કમિટીએ બાકી બે ટેસ્ટ મેચો માટે ભારતીય ટીમ જાહેર કરી, તો તેમા માત્ર કેએલ રાહુલની વાઈસ કેપ્ટનશિપ છોડીને શરૂઆતી બે ટેસ્ટ મેચોની ટીમ સાથે કોઈ છેડછાડ કરવામાં નથી આવી. આ સિલેક્શન કમિટીએ આ નિર્ણય પરથી એ સ્પષ્ટ કરી દીધુ છે કે, હવે રોહિત શર્માના નાયબ તરીકે કોઈ અન્ય નામ અંગે વિચાર કરવામાં આવી રહ્યો છે. નવી જાહેર કરાયેલી ટીમમાં જોકે કોઈ નવા વાઈસ કેપ્ટનના નામની જાહેરાત કરવામાં નથી આવી પરંતુ, જો કોઈક કારણોસર રોહિત માની લો ટેસ્ટ મેચમાંથી હટી જાય તો સવાલ છે કે પછી કોણ કેપ્ટનશી કરશે. અહીં એવા ત્રણ ખેલાડીઓના નામ જણાવવામાં આવ્યા છે, જે ભારતના વાઈસ કેપ્ટન બનવાની રેસમાં સૌથી આગળ છે.
જેવો દ્રષ્ટિકોણ, પ્રદર્શન અને કદ હાલ ભારતીય ટીમમાં રવિચંદ્રન અશ્ર્વિનનું છે, તેને જોતા તેમા કોઈ બેમત નથી કે હાલ આ ઓફ-સ્પિનર ઓલરાઉન્ડર ભારતીય ટેસ્ટ વાઈસ કેપ્ટનની રેસમાં સૌથી આગળ છે. હાલના વર્ષોમાં અશ્ર્વિને પ્રદર્શન દ્વારા સતત પોતાનું કદ ઊંચુ કર્યું છે. અશ્ર્વિને આ સીરિઝની બે ટેસ્ટ મેચોમાં ૬૪.૪ ઓવરોમાં ૧૪ વિકેટ લીધી છે. તે બંને ટીમોમાં રવીન્દ્ર જાડેજા બાદ સૌથી વધુ વિકેટ લેવાના મામલામાં અત્યારસુધી બીજા નંબર પર છે. તેમજ, ટેસ્ટ ક્રિકેટમાં ૫ સદી બનાવી ચુકેલા આ ઓફ સ્પિનરે દરેક ફોર્મેટમાં બતાવ્યું છે કે, તેને જરૂરિયાત પ્રમાણે બેટિંગ કરતા પણ આવડે છે અને તમે તેને માત્ર ઓફ સ્પિનરની નજરથી ના જોઈ શકો.
ઈજાના કારણે છેલ્લાં આશરે પાંચ મહિનાથી સક્રિય ક્રિકેટથી દૂર રહેલા રવીન્દ્ર જાડેજાએ ધમાકેદાર કમબેક કરીને બતાવી દીધુ કે તેની અંદર સારું કરવાની આગ હજુ પણ છે. તેમા કોઈ બે મત નથી કે જાડેજા હાલ એ આંગળીઓ પણ ગણી શકાતા ભારતના ખેલાડીઓમાં સામેલ છે, જેમના વિના ત્રણેય ફોર્મેટોમાં ભારતીય ટીમની કલ્પના ના કરી શકાય. ચાલી રહેલી સીરિઝમાં જાડેજા અત્યારસુધી ૧૭ વિકેટ લઈને નંબર વન બોલર બંને ટીમોમાં બન્યો છે, તો તેણે ૨ ઈનિંગમાં ૭૦ના બેસ્ટ સ્કોર સાથે ૪૮ની સરેરાશથી બેટિંગમાં પણ સારું યોગદાન આપ્યું છે અને જાડેજાનું પણ પલડું વાઈસ કેપ્ટન બનવા માટે ખાસ્સું ભારે છે. એ કહેવુ ખોટું નહીં હશે કે, અશ્ર્વિન અને તેની વચ્ચે મામલો ફિફ્ટી-ફિફ્ટીનો છે.
દિલ્હીમાં જ પોતાના કરિયરમાં ટેસ્ટ મેચોની સદી મારનારો ચેતેશ્ર્વર પુજારા વધુ એક ખેલાડી છે, જેને બીસીસીઆઇ તેના કરિયરના છેલ્લા દિવસોમાં વાઈસ કેપ્ટન બનવાની તક આપી શકે છે. પુજારા ભલે ઓછું બોલનારો અને શાંત હોય, પરંતુ તેની પાસે કેપ્ટનશિપ અને વાઈસ કેપ્ટનશિપ બંનેને જ સંભાળવા માટે પર્યાપ્ત અનુભવ છે. પુજારા વધુ એક દાવેદાર છે જેને ભારતીય ટેસ્ટ ટીમનો વાઈસ કેપ્ટન અથવા તો કહી શકાય કે સ્ટોપ-ગેપ વાઈસ કેપ્ટન બનાવવામાં આવી શકે છે.