દાહોદ,
દાહોદ પ્રસારણ નગર, જ્વાલા માતાના મંદીર પાસે એક મકાનના આંગણામાં લોક મારી પાર્ક કરેલ રૂપિયા 10,000/-ની કિંમતની ટીવીએસ સ્ટાર સીટી કંપનીની મોટર સાયકલ ચોરાયાનું જાણવા મળ્યું છે.
દાહોદ શહેરના જુના ઈન્દૌર રોડ, પ્રસારણ નગરમાં ગત તા. 11-2-2023ના રોજ રાતના સમયે ત્રાટકેલા બાઈક ચોર ટોળકી પ્રસારણ નગરમાં આવેલ જ્વાલા માતાના મંદીર પાસે રહેતા હીરેનકુમાર રાજેશભાઈ ભાભોરની ઘરના આંગણામાં લોક મારી પાર્ક કરેલ તેના બનેવીની રૂા.10,000/-ની કિંમતની ગ્રે-રેડ કલરની વર્ષ 2016ના મોડલની જીજે-20 એડી-6719 નંબરની ટીવીએસ સ્ટાર સીટી કંપનીની મોટર સાયકલ ચોરીને લઈ ગયા હતા.
આ સંબંધે પ્રસારણ નગર, જ્વાલામાતાના મંદીર પાસે રહેતા હીરેનકુમાર રાજેશભાઈ ભાભોરે નોંધાવેલ ફરિયાદને આધારે દાહોદ ટાઉન એ ડીવીઝન પોલીસે ચોરીનો ગુનો નોધી આગળની કાર્યવાહી હાથ ધરી છે.