ગરબાડા,
પરમ પૂજ્ય શ્રી રંગ અવધૂત મહારાજની 125 મી રંગ જયંતિ મહોત્સવ કાર્યક્રમની ઉજવણી હાલમાં તારીખ 2-11-2022 થી તારીખ 21-11- 2023 સુધી ચાલવાની છે. જે ઉજવણીના ભાગરૂપે પૂજ્ય શ્રી રંગ અવધૂત મહારાજે પદારપણ કરેલા પાંચ સિધ્ધ સ્થળો ખાતે અખંડ વંદના ગાન કાર્યક્રમનું આયોજન કરવામાં આવ્યું છે. જેમાં તારીખ 16.2.2023 ના ગરબાડા રંગ ગુટીર ખાતે આ કાર્યક્રમની ઉજવણી કરવામાં આવી હતી. સવારના 9-00 કલાકે મહાનુભવો દ્વારા દીપ પ્રાગટ્ય કર્યા બાદ પુષ્પગુચ્છ થી સ્વાગત બાદ અખંડ વંદના ગાનના પાઠ ચાલુ કરવામાં આવ્યા હતા. જે પાઠ સાંજના પાંચ વાગ્યા સુધી ચાલ્યા હતા. કાર્યક્રમ પૂર્ણ થયા બાદ મહાપ્રસાદનું આયોજન પણ કરવામાં આવ્યું હતું. જે કાર્યક્રમમાં અમદાવાદ રંગ અવધૂત પરિવાર માંથી ડોક્ટર ઇન્દુભાઇ દવે, પ્રદ્યુમનભાઈ પટેલ, રમેશભાઈ પટેલ અને પરિવારના માણસો મોટી સંખ્યામાં ઉપસ્થિત રહ્યા. તે સિવાય ગુજરાતભર માંથી રંગ પરિવારના ભક્તો અખંડ વંદના ગામના આ કાર્યક્રમમાં મોટી સંખ્યામાં ઉપસ્થિત રહ્યા હતા. કાર્યક્રમને સફળ બનાવવા માટે તમામ નામીઅનામીએ તન-મન-ધનથી સહયોગ આપ્યો હતો.