લખનૌ,
સમાજવાદી પાર્ટીના પ્રમુખ અખિલેશ યાદવે સ્વામી પ્રસાદ મૌર્યાને મોટી જવાબદારી આપી છે.સમાજવાદી પાર્ટી હવે યુપીમાં જાતિ વસ્તી ગણતરીની માંગને લઇ મોટા આંદોલન કરવાની તૈયારી કરી રહી છે.અખિલેશ યાદવે કહ્યું કે યુપીમાં જાતિ જનવસ્તીને લઇ ચાલનારા અભિયાનનું સુકાન સ્વામી પ્રસાદ મૌર્યાની પાસે રહેશે.અખિલેશ યાદવે આરોપ લગાવ્યો કે ભાજપના લોકો તેમને શૂદ્ર માને છે.બીજીબાજુ સ્વામી પ્રસાદ મૌર્યાએ પણ બિહારની જેમ યુપીમાં પણ સમાજવાદી પાર્ટી જાતિ વસ્તીગણતરીને લઇ અભિયાન શરૂ કરનાર છે.
રામચરિત માનસ પર વિવાદિત નિવેદન આપનાર સ્વામી પ્રસાદ મૌૈર્યાને અખિલેશ યાદવે નવા મિશન પર લગાવ્યા છે.માનવામાં આવી રહ્યું છે કે રામચરિત માનસ પર વિવાદિત નિવેદન આપનાર સ્વામી પ્રસાદ મૌર્યાને અખિલેશ યાદવે એટલા મોટા બોલાવ્યા હતાં કારણ કે પાર્ટીમાં અનેક નેતાઓ તેમના નિવેદનોથી નારાજ છે. પરંતુ જયારે અખિલેશથી મુલાકાત કરી સ્વામી પ્રસાદ મૌર્યા બહાર નિકળ્યા તો તેમની જીભ પર નવો એજન્ડા હતો એટલું જ નહીં અખિલેશે પણ યુપીમાં રાજનીતિક ધ્રુવીકરણની નવી ચક્કી ફેરવવાની શરૂ કરી દીધી.
સ્પષ્ટ છે કે બિહારની જેમ અખિલેશ યાદવ હવે જાતિઓની ગોલબંધી કરવાની યુક્તિ શોધી રહ્યાં છે. સ્વામી પ્રસાદ મૌર્યાએ તેની શરૂઆત તે સમયે કરી દીધી જયારે સ્વામીએ રામચરિત માનસ પર વિવાદિત નિવેદન આપ્યું અને હવે તેના પર ન તો અખિલેશ બોલી રહ્યાં છે અને ન તો સ્વામી પ્રસાદ મૌર્યા.પરંતુ બંન્નેનો ઇશારો સ્પષ્ટ છે.