ગોધરા,
આગામી 74માં પ્રજાસત્તાક દિન તા.26-01-2023 ગુરૂવારના રોજ પંચમહાલ જિલ્લા કક્ષાની ઉજવણી જિલ્લા સમાહર્તાશ્રી સુજલ મયાત્રાના અધ્યક્ષસ્થાને વેજલપુર સ્થિત જવાહર નવોદય વિદ્યાલય ખાતે યોજાનાર છે. જેમાં પોલીસ પરેડ તથા સાંસ્કૃતિક કાર્યક્રમો યોજાશે. આ સાથે જિલ્લાના વિવિધ વિભાગના સન્માન પાત્ર અધિકારી-કર્મચારીઓ સહિત જિલ્લાના વિશિષ્ઠ કામગીરી કરેલ નાગરિકોને પ્રશસ્તિ પત્ર આપી નવાજવામાં આવશે.
આ સાથે જાંબુઘોડાના ધનપુરી ખાતે, હાલોલ તાલુકાના ઉજેતી ખાતે, મોરવા હડફ તાલુકાના ભંડોઈ ભાણાસીમલ શાળા ખાતે, ઘોઘંબા તાલુકાના ધનેશ્વર મોડેલ સ્કૂલ ખાતે, શહેરા તાલુકાના કુમાર શાળા બાહી ખાતે, ગોધરા તાલુકાના ગાયત્રી વિદ્યાલય મોરડુંગરા ખાતે તાલુકા કક્ષાની ઉજવણી કરાશે. આ સાથે જિલ્લાના વિવિધ 20 અમૃત સરોવર ખાતે પણ ધ્વજવંદન કરવામાં આવશે.