ગોધરા,
ગોધરા તાલુકાના કેવડીયા ગામે આવેલી વંદના વિદ્યાલયનાં વિદ્યાર્થીઓએ ગણિત વિજ્ઞાન પ્રદર્શનમાં વિભાગ 4 અકસ્માત અને આપત્તિ વ્યવસ્થાપન વિભાગમાં સંકુલ કક્ષાએ ભાગ લઈ ઉત્કૃષ્ટ દેખાવ કરી ત્યાં પ્રથમ નંબર મેળવ્યો હતો. ત્યારબાદ જિલ્લા કક્ષાએ પણ ગણિત વિજ્ઞાન પર્યાવરણ પ્રદર્શનમાં પણ પ્રથમ નંબર મેળવી આ વિદ્યાર્થી ઓ પટેલ પંકજકુમાર અને બારીયા જીગરકુમાર જેવો એ આ શાળાના વિજ્ઞાન શિક્ષકો કે.બી. પરમાર, કે એમ પરમાર અને પી.એમ. બારીયાના માર્ગદર્શન હેઠળ તૈયાર કરેલ કૃતિ આણંદ બોચાસણ ખાતે સાત જિલ્લાઓના ઝોન કક્ષાના પ્રદર્શનમાં પણ ઉત્કૃષ્ટ દેખાવ કરી પ્રથમ નંબર મેળવી રાજ્યકક્ષા માટે પસંદ થયા છે. ત્યારે વંદના વિદ્યાલય કેવડિયા ખૂબ ગૌરવની લાગણી અનુભવે છે આ તબક્કે શાળાના ટ્રસ્ટી મંડળ અને શાળાના આચાર્ય તેમજ સમગ્ર સ્ટાફ અભિનંદન પાઠવે છે. તો સાથે સાથે અરવિંદસિંહ પરમાર, દંડક જિલ્લા પંચાયત પંચમહાલ દ્વારા બાળકોનાં શાળાને અભિનંદન પાઠવેલ છે.