ગોધરા,
39 મો જીવનસાથી પસંદગી પરિચય મેળો આગામી તા.19 ફેબ્રુઆરીનાં રોજ નડિયાદ ખાતે યોજાશે. જેમાં પંચમહાલ, દાહોદ અને મહીસાગર જિલ્લાનાં વૈષ્ણવ વણિક યુવક યુવતીઓ ભાગ લઈ શકશે. તે માટે તા.31 જાન્યુઆરી સુધી ફોર્મ ભરી રજીસ્ટ્રેશન કરાવવું જરૂરી છે.
સમસ્ત ખડાયતા યુવા સમાજ નડિયાદ દ્વારા આયોજિત વૈષ્ણવ વણિક જીવન સાથી સંમેલન 39 મો જીવનસાથી પસંદગી પરિચય મેળો આગામી તા.19 ફેબ્રઆરીનાં રોજ ઈપકોવલા હોલ, પારસ સિનેમા પાસે,નડિયાદ મુકામે યોજવામાં આવશે. આ જીવન સાથી પસંદગી પરિચય મેળામાં પંચમહાલ, દાહોદ અને મહીસાગર જિલ્લાનાં વૈષ્ણવ વણિક યુવક યુવતીઓ પણ ભાગ લઈ શકશે. તે માટે લગ્ન વાંછુક યુવક યુવતીઓ એ તા.31 જાન્યુઆરી સુધી ફોર્મ ભરી રજીસ્ટ્રેશન કરાવવું જરૂરી છે. જે માટે પંચમહાલ દાહોદ અને મહીસાગરનાં વૈષ્ણવ વણિક યુવક યુવતીઓનાં વાલીઓએ ગોધરા શહેરનાં દક્ષેશ શાહ, પ્રેસ ફોટો ગ્રાફર, બી.5, વિશાલ કોમ્પલેક્ષ, ગાંધી પેટ્રોલ પંપ સામે, ગોધરાનો સંપર્ક કરવા જણાવવામાં આવ્યું છે.