કાલોલ,
કાલોલમાં હાઈવે પર ડમ્પરે મોટરસાયકલને અડફેટે લેતા ઉત્તરાયણ કરવા માટે વડોદરાથી વતન મોરવા જતા સાળા-બનેવીને અકસ્માત નડતા બનેવીનુ મોત નીપજયું હતુ.
પ્રાપ્ત માહિતી અનુસાર બળવંતસિંહ રાવત(રહે.મોરવા(હ)તેમના બનેવી રાજેશભાઈ પર્વતસિંહ પટેલ(રહે.મેહુલિયા)બંને વડોદરા ખાતે પ્લમ્બરનુ કામકાજ કરતા હોઈ ઉત્તરાયણ કરવા માટે બાઈક લઈને મોરવા(હ)જવા નીકળ્યા હતા. ત્યારે કાલોલના પેટ્રોલપંપ પાસેથી પસાર થતાં સમયે ડમ્પર ચાલકે પુરઝડપે હંકારી મોટરસાયકલને ટકકર મારતા સાળો તથા બનેવી બંને રોડ પર પટકાયા હતા. જે અકસ્માતમાં પાછળ બેઠેલ બનેવી રાજેશભાઈ પર્વતસિંહ પટેલને ગંભીર ઈજાઓ પહોેંચતા ધટના સ્થળેથી લોકોએ 108 એમ્બ્યુલન્સ મારફતે કાલોલ રેફરલ હોસ્પિટલમાં ત્યારબાદ ગોધરા સિવિલ હોસ્પિટલ ખાતે ખસેડી ત્યાંથી વધુ સારવાર અર્થે વડોદરા સિવિલ હોસ્પિટલમાં રિફર કરવામાં આવ્યા હતા. જયાં તેમનુ સારવાર દરમિયાન મોત નીપજયું હતુ. આ સમગ્ર ધટના અંગે કાલોલ પોલીસે ડમ્પર ચાલક વિરુદ્ધ ગુનો દાખલ કરી આગળ વધુ તપાસ હાથ ધરી હતી.