સમગ્ર દેશમાં દીકરીઓ સુરક્ષિત નથી તેમ કહીએ તો ખોટું નથી. કારણ કે હાથરસની ઘટનાએ ફરી એકવાર સમગ્ર દેશને એક કરી દીધો છે. 2012નો નિર્ભયા કાંડ જેને આ દેશ ક્યારેય ભૂલી શકે તેમ નથી. તો આ દેશમાં રોજે રોજ અનેક દીકરીઓ બળત્કારનો ભોગ બને છે. જોકે હવે ગુજરાત પણ સુરક્ષિત નથી રહ્યું તેમ કહેવામાં જરા પણ અતિશોયુક્તિ નથી. કારણ કે રાજ્યમાં 4 દિવસમાં દુષ્કર્મની 5 ઘટના સામે આવી છે. તેમાં પણ જામગનરમાં 4 દિવસમાં દુષ્કર્મની ત્રીજી ફરિયાદ નોંધાઇ છે. ત્યારે જામનગર જિલ્લામાં વધુ એક દુષ્કર્મની ફરિયાદ નોંધાઇ છે.
- જામનગર જિલ્લામાં વધુ એક દુષ્કર્મની ફરિયાદ
- જામનગરમાં 4 દિવસમાં ત્રીજી દુષ્કર્મની ફરિયાદ
- સગીરા સાથે મિત્રતા કેળવી દુષ્કર્મ આચર્યું
ગુજરાતમાં સગીરાઓ અને મહિલાઓ પર દુષ્કર્મની ઘટનાઓમાં વધારો થઇ રહ્યો છે. ત્યારે ગુજરાતમાં મહિલા અત્યાચારની વધુ એક ઘટના સામે આવી છે. જામનગરમાં સગીરા પર દુષ્કર્મની ઘટના બની છે. જામનગરમાં 4 દિવસમાં ત્રીજી દુષ્કર્મની ફરિયાદ નોંધાઇ છે. જેમાં સગીરા સાથે મિત્રતા કેળવી દુષ્કર્મ આચર્યાની ઘટના બની છે. સગીરાના પિતાએ અરજી કરતા ફરિયાદ નોંધાઇ છે. ઇબ્રાહિમ અબ્દુલ ચૌહાણ નામના શખ્સની અટકાયત કરવામાં આવી છે. સગીરા અને આરોપીના મેડિકલ ટેસ્ટ કરાવવા પોલીસે કાર્યવાહી હાથ ધરી છે.
મહત્વનું છે કે, રાજ્યમાં સામે આવેલી દુષ્કર્મની ઘટનાથી લોકોમાં આક્રોશ ફેલાઇ રહ્યો છે. રાજ્યમાં મહિલા સુરક્ષા પર સવાલ ઉઠી રહ્યા છે. રાજ્યમાં દુષ્કર્મની અનેક ઘટનાઓ સામે આવી રહી છે. ત્યારે જામનગરમાં એક પછી એક ઘટના સામે આવતા તંત્રની કામગીરી પર સવાલ થઇ રહ્યા છે.
જામનગરમાં છરીની અણીએ સગીરા પર અશ્વિન વાઢીયાએ 2 વખત દુષ્કર્મ આચર્યું હતું
ગઇકાલે જામનગરના જામજોધપુર તાલુકાના વરવાળા ગામમાં રહેતી એક સગીરા પર બાજુના વિલાસપુર ગામના એક હેવાને ધમકી આપીને 2 વખત દુષ્કર્મ આચર્યું હોવાની પોલીસ ફરિયાદ નોંધાતા ચકચાર મચી છે. એટલું જ નહીં દીકરી પર દુષ્કર્મ આચરવામાં આવ્યું હોવાની ઘટનાની તેના પિતાને જાણ થતા પિતાએ ઝેરી દવા પીને આત્મહત્યા કરી હતી. પીડિતાના પિતાએ એક અઠવાડિયા પહેલા આત્મહત્યા કરી હતી. સગીર વયની યુવતી સાથે અશ્વિન વાઢીયા નામના શખ્સે આઠ મહિના પહેલા 2 વખત દુષ્કર્મ આચર્યું હતું.
જામનગરમાં 28 તારીખે ગેંગરેપની ઘટના સામે આવી હતી
થોડા દિવસ અગાઉ જામનગરમાં સગીરા પર સામુહિક દુષ્કર્મની ઘટના સામે આવી હતી. જામનગરમાં 4 નરાધમોએ સગીરા પર દુષ્કર્મ આચર્યું હતુ. પોલીસે ચારેય આરોપીની ધરપકડ કરી હતી. આ ચારેય વ્યક્તિઓએ સગીરાને ઘેનની ગોળીઓ ખવડાવીને દુષ્કર્મ આચર્યું હતું. પોલીસે મિલન, દર્શન, દેવકરણ અને મોહિત આંબલિયા નામના ત્રણ આરોપીની ધરપકડ કરી હતી. સગીરા હાલ હોસ્પિટલમાં સારવાર હેઠળ છે અને મેડિકલ ચેકઅપ ચાલી રહ્યું છે.