ગુરૂગ્રામ,
ગુરુગ્રામમાં સોમવારે ભીષણ આગ ફાટી નીકળ્યા બાદ સેંકડો પરિવારોએ તેમનો આશ્રય ગુમાવ્યો હતો. સેક્ટર ૪૯ના ઘસૌલા ગામમાં લાગેલી આગમાં ૨૦૦થી વધુ ઝૂંપડીઓ બળીને ખાખ થઈ ગઈ હતી. આ દરમિયાન ઘણા સિલિન્ડર પણ ફાટ્યા. ડઝનેક લોકો દાઝી ગયા છે. કડકડતી ઠંડીમાં ઘર આંચકી લેવાના કારણે અને તમામ વસ્તુઓ બળીને રાખ થઈ જવાના કારણે અહીં રહેતા લોકોની હાલત ખરાબ છે.સોમવારે બપોરે સેક્ટર-૪૯માં ઘસૌલા ગામ પાસે ખાલી જગ્યામાં બનેલી ઝૂંપડપટ્ટીમાં અચાનક આગ ફાટી નીકળી હતી. ઝૂંપડપટ્ટીમાં રાખવામાં આવેલા નાના ગેસ સિલિન્ડરમાં બ્લાસ્ટ થવાને કારણે આગ ઝડપથી વધવા લાગી. થોડી જ વારમાં ૨૦૦ ઝૂંપડીઓ બળીને રાખ થઈ ગઈ અને સેંકડો પરિવારો બેઘર બની ગયા. ફાયર બ્રિગેડની ટીમે આગ ઓલવવાનો પ્રયાસ શરૂ કર્યો હતો, પરંતુ ત્યાં સુધીમાં ૨૦૦થી વધુ ઝૂંપડીઓ રાખમાં ફેરવાઈ ગઈ હતી.
ઘરને સળગતું જોઈ પરિવારજનોની હાલત કફોડી બની ગઈ હતી અને અનેક લોકોની રોજીરોટી આગમાં બળીને ખાખ થઈ ગઈ હતી. કડકડતી ઠંડીમાં લોકોના ઘરો છીનવાઈ જવાના કારણે પરેશાનીઓનો પહાડ તૂટી પડ્યો છે. આ અકસ્માતમાં લગભગ એક ડઝન લોકો ઘાયલ થયા છે. ઘાયલોને હોસ્પિટલમાં દાખલ કરવામાં આવ્યા હતા.