મુંબઇ,
બોલિવૂડ સુપરસ્ટાર નવાઝુદ્દીન સિદ્દીકીએ ઘણા સંઘર્ષ બાદ ફિલ્મોમાં ખ્યાતિ મેળવી છે. અભિનેતાએ અગાઉની ફિલ્મોમાં ઘણી નાની ભૂમિકાઓ ભજવી હતી. બાદમાં જ્યારે તેને ફિલ્મ ગેંગ્સ ઓફ વાસેપુરથી પ્રસિદ્ધિ મળી, ત્યારે તેણે ઘણી ફિલ્મોમાં કરેલા નાના રોલ માટે ઓળખવામાં આવી. અભિનેતા હવે એક મોટું નામ બની ગયો છે. હવે તેની પ્રતિભા અનુસાર ફિલ્મો લખાય છે. તાજેતરમાં એક ઇન્ટરવ્યુ દરમિયાન અભિનેતાએ વાત કરી હતી કે જો તેને નાની ફિલ્મોમાં કામ કરવાની તક મળશે તો તે કરશે કે નહીં.
એક રિપોર્ટ મુજબ એક ઇન્ટરવ્યુ દરમિયાન અભિનેતા નવાઝુદ્દીને કહ્યું કે, મેં મારી કરિયરમાં ઘણી ફિલ્મોમાં કામ કર્યું છે અને મેં નાના રોલ પ્લે કર્યા છે. એક સમય હતો પરંતુ તે હવે સિમીત થઈ ગયું છે. હવે તમે મને ૨૫ કરોડ પણ આપશો તો પણ હું નાનો રોલ નહીં કરૂં. મારૂં એવું માનવું છે કે પૈસા અને ખ્યાતિ એ કોઈપણ વ્યક્તિની મહેનતની પ્રોડક્ટ છે.
તેમણે આગળ કહ્યું કે, જો તમે મહેનતથી કામ કરશો તો આ વસ્તુ તમારી પાછળ-પાછળ આવશે. બસ તમારે તમારા કામ પર યાન આપવાનું છે. મારૂ એવું માનવું છે કે તમે પોતાને એટલી ઉંચાઈ પર લઈ જાઓ કે ખ્યાતિ તમારી ગુલામ થઈ જાય અને તમારી પાછળ-પાછળ આવે. પોતાના કેરેક્ટર વિશે વાત કરતા નવાઝે કહ્યું કે, તે દરેક અભિનેતા પર નિર્ભર કરે છે કે તે કેવા પ્રકારના રોલ કરવા માંગે છે. તમે દરેક રોલને ખૂબ જ ખાસ બનાવી શકો છો. જ્યારે કોઈ અભિનેતા તે રીતે સમાન પાત્ર ભજવી શકશે નહીં. હું હંમેશા મારા પાત્ર વિશે વિચારું છું કે હું તેને કેવી રીતે સારૂં બનાવી શકું.
વર્ક ફ્રન્ટ વિશે વાત કરીએ તો, અભિનેતા પાસે હાલમાં ઘણા પ્રોજેક્ટ્સ છે. જેમાં ટીરુ વેડ્સ શેરુ, નૂરાની ચેહરા, બોલે ચૂડિયા અને અફવા જેવી ફિલ્મોનો સમાવેશ થાય છે. ફેન્સ હંમેશા અભિનેતાની મોટી ફિલ્મોની રાહ જોતા હોય છે. તેની બે ફિલ્મો થઈ છે, જે વર્ષ ૨૦૨૩માં રિલીઝ થઈ શકે છે.