તાપી,
તાપીના વ્યારાના ચિખલી ગામની સીમમાં ટેમ્પો પલટી જતા ૨ બાળકોના મોત થયા છે. માહિતી મુજબ માંડવીના આંબાપારડી ગામેથી સોનગઢના દેવલીમાડી મંદિરે શ્રદ્ધાળુ ઓ જતા હતા, તે દરમિયાન અકસ્માત નડ્યો હતો. ટેમ્પામાં કુલ ૧૫થી વધુ શ્રદ્ધાળુ સવાર હતા. આ અકસ્માતને પગલે અનેક લોકો ઈજાગ્રસ્ત પણ થયા છે. જેને નજીકની હોસ્પિટલમાં સારવાર અર્થ ખસેડવામાં આવ્યા છે.
ગઈકાલે નવસારીના વેસ્મા ગામ નજીક ગમખ્વાર અકસ્માતમાં ૯ લોકોના કરુણ મોત થયા હતા. જ્યારે ૧૬થી વધુ લોકો ઇજાગ્રસ્ત થતાં સારવાર માટે ખસેડાયા છે. વેસ્મા ગામ નજીક નેશનલ હાઈવે ૪૮ પર ખાનગી બસ અને કાર વચ્ચે ગમખ્વાર અકસ્માત સર્જાયો હતો. જેમાં ૯ લોકોના ઘટના સ્થળે જ મોત થયા, જ્યારે ૧૬થી વધુ લોકો ઇજાગ્રસ્ત થતાં સારવાર માટે ખસેડાયા છે.
બસ ડ્રાઈવરને હાર્ટ એટેક આવતા અકસ્માતની ઘટના બની. મળતી માહિતી મુજબ લક્ઝરી બસ અમદાવાદ ખાતે યોજાયેલા શતાબ્દી મહોત્સવમાંથી મુસાફરોને લઈને પરત આવી રહી હતી. જ્યારે કાર વલસાડથી સુરત તરફ જઈ હતી જેમા અંકલેશ્ર્વરના મુસાફરો હતા. તમામ મૃતકો અંકલેશ્ર્વરની કંપનીમાં નોકરી કરતા હતા. વલસાડ ફરવા ગયા હતા અને આવતા અકસ્માતમાં કરૂણ મોત થયા.