સુશાંત સિંહ રાજપૂતના કેસમાં ડ્રગ્સ એંગલ પર એનસીબી બોલીવુડ પર તંગ કસી રહી છે. રિયા ચક્રવર્તી અને તેના ભાઈ શૌવિકની ધરપકડ બાદ ગત દિવસોમાં 3 મોટી અભિનેત્રીઓને સમન્સ આપ્યા બાદ આ કેસમાં વધુ એક નામ સામે આવી રહ્યું છે. બોલીવુડ સાથે જોડાયેલા આ મોટા નામની જાણકારી એનસીબીના સૂત્રો દ્વારા મળી છે. સૂત્રોએ જણાવ્યું છે કે આ સમગ્ર ડ્રગ્સ રેકેટની પાછળ એક ખ્યાતનામ એક્ટર છે. જે માસ્ટરમાઈન્ડ પણ છે. આ ઉપરાંત એક્ટરની અનેક માહિતી સામે આવી છે.
- ડ્રગ્સ રેકેટની પાછળ એક ખ્યાતનામ એક્ટર છે
- આ એક્ટર માસ્ટરમાઈન્ડ પણ છે
- જલ્દી બોલીવુડના 3 મોટા નામોને સમન્સ મોકલશે એનસીબી
આ મામલામાં એનસીબી સૂત્રોના હવાલાથી સામે આવ્યું છે કે એનસીબીના હાથે મોટી સફળતા લાગી છે. જે મુજબ ડ્રગ્સ રેકેટ પાછળ બોલીવુડ એક્ટરનું માઈન્ડ છે. આ એક્ટર પહેલા સુપર મોર્ડલ રહી ચૂક્યો છે. જણાવવામાં આવી રહ્યું છે કે ધરપકડ કરાયેલા અનેક પેડલર્સે આ અભનેતાનું નામ લીધું છે. ડ્રગ્સ રેકેટનો આ માસ્ટરમાઈન્ડ એક્ટર અનેક ડ્રગ્સ સપ્લાયરો સાથે સંબંધ ધરાવે છે અને ઈન્ડસ્ટ્રીના લોકોને ડ્રગ્સ પહોંચાડે છે
મનાઈ રહ્યું છે કે આ મામલામાં એનસીબીએ વધુ જાણકારી ભેગી કરી રહી છે. હજુ સુધી આમાં કોઈનું પણ નામ સામે નથી આવ્યુ. દિપીકા પદુકોણ, સારા અલી ખાન, શ્રદ્ધા કપૂરની પુછપરછમાં અનેક મહત્વની જાણકારી મળી છે.
એનસીબી જલ્દી બોલીવુડના 3 મોટા નામોને સમન્સ મોકલશે. બોલીવુડના આ ત્રણેય દિગ્ગજોની પુછપરછ થશે. આ ત્રણેયના નામ પુછપરછ દરમિયાન સામે આવ્યા છે. ત્રણેય પર ગંભીર આરોપ લગાવવામાં આવી રહ્યા છે.