ગાઝિયાબાદ,
ગાઝિયાબાદ પોલીસે પ્રેમિકાની હત્યા કરવા બદલ એક વ્યક્તિની ધરપકડ કરી છે. પ્રેમી પર તેની પ્રેમિકાની હત્યા કરવાનો આરોપ છે. યુવતીએ રાતભર હોટલમાં રહેવાની ના પાડી દીધી હોવાથી પ્રેમીએ તેની હત્યા કરી હોવાનું કહેવાય છે.
રિપોર્ટ્સ અનુસાર બાગપતની રહેવાસી તેના પતિના જણાવ્યા અનુસાર, એક મહિલાએ ગાઝિયાબાદમાં તેના મિત્રને ઘણીવાર મળતી હતી. પીડિતા ૨૫ ડિસેમ્બરના રોજ ગાઝિયાબાદની એક હોટલમાં આરોપીને મળી હતી, પરંતુ તેણે જલ્દી જ જવાનો આગ્રહ કર્યો હતો.
રિપોર્ટ્સ અનુસાર, બીજા દિવસે જ્યારે હોટલ સ્ટાફ રૂમમાં પહોંચ્યો તો તેમને આ મહિલાનો મૃતદેહ લોર પર મળ્યો હતો. આ પછી હોટલ મેનેજમેન્ટે પોલીસને આ સમગ્ર મામલાની જાણકારી આપી હતી. બાદમાં પોલીસ ઘટનાસ્થળે પહોંચી અને ઈલેક્ટ્રોનિક સર્વેલન્સ દ્વારા આરોપીની ધરપકડ કરી હતી.અહેવાલ છે કે આરોપીએ પોલીસ સમક્ષ કબૂલાત કરી છે કે તેણે મહિલાનું ગળું દબાવીને હત્યા કરી હતી કારણ કે તેણીએ હોટલમાં તેની સાથે રહેવા તૈયાર નહોતી. તેણે એ પણ કબૂલ્યું કે તે અને પીડિતા છેલ્લાં ત્રણ મહિનાથી પ્રેમ સંબંધમાં હતાં.
આ સમગ્ર ઘટના અંગે પોલીસે જણાવ્યું કે મહિલા બાગપતમાં કલેક્ટર કચેરી પાસે નિવાડા ગામની રહેવાસી હતી. મહિલાનો ભોજપુરના અમરલા ગામના રહેવાસી આરોપી સાથે પ્રેમ સંબંધ હતો. બે દિવસ અગાઉ રચનાએ તેના પતિ સાથે ખોટું બોલીને આરોપીના કહેવા પર આવી હતી.
પોલીસે જણાવ્યું છે કે આરોપી અને મહિલા બંને રાત્રે લગભગ ૯ વાગ્યે હોટલ પહોંચ્યાં હતાં. આઈડી કાર્ડ આપીને આરોપીએ ૨૬ ડિસેમ્બરની બપોર સુધી રૂમ બુક કરાવ્યો હતો. હોટેલ સ્ટાફનું કહેવું છે કે તેણે મહિલાને તેની પત્ની ગણાવી હતી. આરોપીએ પોલીસને જણાવ્યું કે મહિલા મોડી રાત્રે ઘરે જવાની જીદ કરવા લાગી અને પોલીસને બોલાવવાની ધમકી પણ આપી હતી. આ દરમિયાન આરોપીએ ગુસ્સામાં આવીને રચનાની હત્યા કરી નાખી હતી.