નવીદિલ્હી,
વડાપ્રધાન નરેન્દ્ર મોદીના ટ્વિટર હેન્ડલ પર ગ્રે ટિક દેખાવા લાગ્યું છે. જોકે રાહુલ ગાંધીની પ્રોફાઇલમાં હજુ પણ બ્લૂ ટિક છે.ટ્વિટર પર નવી વેરિફિકેશન સિસ્ટમ હેઠળ ફેરફારો દેખાવા લાગ્યા છે. વડાપ્રધાન નરેન્દ્ર મોદી અને ગૃહમંત્રી અમિત શાહનાં ટ્વિટર એકાઉન્ટમાંથી બ્લૂ ટિક હટાવી દેવામાં આવ્યું છે. તેમના હેન્ડલ્સમાં ગ્રે ટિક્સ દેખાવા લાગ્યું છે.
જોકે હજુ સુધી ગ્રે ટિકનો નિયમ સંપૂર્ણપણે એપડેટ થયો નથી. ઘણા રાજકારણીઓના હેન્ડલ્સમાં હજુ પણ બ્લૂ ટિક દેખાય છે. રાહુલ ગાંધીનું ટ્વિટર પર હજુ પણ બ્લૂ ટિક દેખાય છે.૧૩ ડિસેમ્બરે ટ્વિટરે વેરિફિકેશનની પોલિસીમાં ફેરફાર કર્યો છે. એ ત્રણ રંગ વર્ગોમાં વહેંચાયેલું છે. કંપનીઓને ગોલ્ડ ટિક, સરકારોને ગ્રે ટિક અને સામાન્ય નાગરિકોને બ્લૂ ટિક મળશે.
પીએમ મોદીના ટ્વિટર હેન્ડલ તેમજ વડાપ્રધાન કાર્યાલય જેવી સરકારી સંસ્થાઓ પર ગ્રે ટિક જોવા મળી રહ્યું છે. યુએસ પ્રેસિડેન્ટ જો બાઈડન, યુકેના પીએમ ૠષિ સુનક સહિત ઘણા રાજકારણીઓની ટ્વિટર પ્રોફાઇલ પર ગ્રે ટિક દેખાય છે.અમેરિકાના રાષ્ટ્રપતિ જો બાઈડન, યુકેના પીએમ ૠષિ સુનક સહિત ઘણા રાજકારણીઓની ટ્વિટર પ્રોફાઇલ પર હવે ગ્રે ટિક દેખાઈ રહ્યું છે.અમેરિકાના રાષ્ટ્રપતિ જો બાઈડન, યુકેના પીએમ ૠષિ સુનક સહિત ઘણા રાજકારણીઓની ટ્વિટર પ્રોફાઇલ પર હવે ગ્રે ટિક દેખાઈ રહ્યું છે.
ટ્વિટરે ૯ નવેમ્બરના રોજ ચેક-માર્ક બેજ સાથે ટ્વિટર બ્લૂ લોન્ચ કર્યું, પરંતુ નકલી એકાઉન્ટ્સની વધતી સંખ્યાને કારણે બે દિવસ પછી સેવાને હોલ્ડ પર રાખી દીધી. નવા બ્લૂ સાઇન અપ બંધ કરવામાં આવ્યા હતા. અત્યારે આ સેવા અમેરિકા સહિત કેટલાક દેશોમાં ફરી શરૂ કરવામાં આવી છે. આ માટે દર મહિને ૮ ડોલર ચૂકવવા પડશે.
જો તમે એને એપલના એપ સ્ટોર પરથી ખરીદો છો, તો એ ૧૧ ડોલરમાં ચાર્જ પર દર મહિને ઉપલબ્ધ થશે. એપલ સ્ટોર પર એ મોંઘું હોવાનું કારણે એના દ્વારા વસૂલવામાં આવેલો ૩૦% ટેક્સ છે. ભૂતકાળમાં ઈલોન મસ્કે એપલના આ ટેક્સ વિશે જણાવ્યું હતું. જ્યારે ભારતમાં આ સેવા શરૂ થશે, ત્યારે એના માટે દર મહિને ૭૦૦ રૂપિયા ચૂકવવા પડી શકે છે.ટ્વિટરે તેના બ્લૂ સબ્સ્ક્રિપ્શનને ફરીથી લૉન્ચ કરવાની જાણકારી આપી છે. આ ટ્વીટના સ્ક્રીનશોટમાં બિઝનેસને આપવામાં આવેલા ગોલ્ડ ટિક માર્ક પણ દેખાય છે. પહેલા માત્ર બ્લૂ ટિક માર્ક હતું. ટ્વિટરે ભારતીય માઇક્રોબ્લોગિંગ પ્લેટફોર્મ કેઓઓનું એકાઉન્ટ સસ્પેન્ડ કરી દીધું છે. ટ્વિટર હેન્ડલ , જે ફિલ્ડ યુઝર ક્વેરી માટે સેટ કરવામાં આવ્યું હતું, એને ૧૬ ડિસેમ્બરે સસ્પેન્ડ કરવામાં આવ્યું હતું. કૂના કો-ફાઉન્ડર અને ચીફ એક્ઝિક્યુટિવ અપ્રમેય રાધાકૃષ્ણએ કહ્યું, “અમને ખબર નથી કે એકાઉન્ટ કેમ સસ્પેન્ડ કરવામાં આવ્યું છે. કોઈ ખુલાસો આપવામાં આવ્યો નથી. તેણે એક ટ્વિટ પણ કર્યું ’ટ્વિટર પર કુ નું એકાઉન્ટ સસ્પેન્ડ કરવામાં આવ્યું છે. કેમ?! કારણ કે અમે ટ્વિટર સાથે સ્પર્ધા કરીએ છીએ? એટલા માટે? માસ્ટોડન પણ આજે બ્લોક કરવામાં આવ્યું હતું. આ કેવી ફ્રી સ્પીચ છે અને આપણે કઈ દુનિયામાં જીવી રહ્યા છીએ? આ બધું શું થઈ રહ્યું છે . ટ્વિટરના વિશ્ર્વમાં ૨૨ કરોડ એક્ટિવ યુઝર્સ છે. અમેરિકામાં એના ૭.૬ કરોડ અને ભારતમાં ૨.૩ કરોડ યુઝર્સ છે. વિશ્ર્વભરમાં દરરોજ લગભગ ૫૦૦ મિલિયન ટ્વીટ્સ કરવામાં આવે છે.