લુણાવાડા,
લાયન્સ ક્લબ લુણાવાડા દ્વારા લુણાવાડા તાલુકાની પ્રાથમિક શાળામાં અભ્યાસ કરતા વિદ્યાર્થીઓ જેમના પિતા ન હોય તેવા 686, માતા ન હોય તેવા 277 અને માતા-પિતા બંને ન હોય તેવા એમ કુલ 1113 જેટલા અનાથ બાળકોને કલેટર મહિસાગરના હસ્તે કલેક્ટર કચેરી સભાખંડ ખાતે ચોપડા, સ્વેટર અને ધાબળા વિતરણ કરવામાં આવ્યા.
આ દાનના મુખ્ય દાતા ડો.આર.બી.પટેલ દ્વારા રૂ.2,80,000 જેટલા ખર્ચે લુણાવાડા તાલુકાની 150 જેટલી પ્રાથમિક શાળાઓમાં અભ્યાસ કરતા અનાથ બાળકોને જરૂરિયાત ચીજ-વસ્તુઓનું વિતરણ કરવામાં આવ્યું તથા તેમના જણાવ્યા પ્રમાણે તેઓ બાળકોને દત્તક લઈ ડોક્ટર-એન્જિનિયર બનાવવા માંગે છે. વધુમાં તેમણે જણાવ્યું કે આચાર્યઓ તથા શિક્ષકોએ શિક્ષણ સાથે લાગણીઓની હુંફ પણ આપવી જોઈએ.
આ કાર્યક્રમમાં ડેપ્યુટી ડી.ડી.ઓ, લાયન્સ ક્લબના પ્રમુખ ભરતભાઈ ભોઈ, સેક્રેટરી ધિરેનભાઈ મહેતા, ટ્રેઝરર ડો. દિવ્યાંગભાઈ પટેલ, જોઇન્ટ સેક્રેટરી, સભ્યઓ, શાળાના આચાર્યઓ, વિદ્યાર્થીઓ તથા વિદ્યાર્થીઓના વાલીઓ ઉપસ્થિત રહ્યા હતા.