મુંબઇ,
બૉલિવુડના લવિંગ કપલ શાહિદ કપૂર અને મીરા રાજપૂત ઘણી વાર પોતાના રોમેન્ટીક ફોટા સોશિયલ મીડિયા પર શેર કરે છે. હાલમાં શાહિદ કપૂરે પોતાના ઈન્સ્ટાગ્રામ હેન્ડલ પર એક વીડિયો શેર કર્યો છે જેને જોઈને ફેન્સ ખુશ થઈ ગયા. આ વીડિયોમાં મીરા પોતાના દિયર ઈશાન ખટ્ટરને જોરદાર લાફો મારી દે છે.
શાહિદ કપૂરે થોડા સમય પહેલા આ વીડિયો પોતાના ઈન્સ્ટાગ્રામ પર શેર કર્યો છે. જેને જોઈને તમે હસવુ નહિ રોકી શકો. આ વીડિયોમાં શાહિદ કપૂર, મીરા રાજપૂત અને ઈશાન ખટ્ટરે ’દિલ ચાહતા હૈ’નો સીન રિક્રિએટ કર્યો છે. જો કે, વીડિયોમાં ઈશાન ખટ્ટરને મીરા રાજપૂતની થપ્પડ સૌથી વધુ છવાઈ ગઈ છે.
વીડિયોની શરૂઆત પહેલા મીરા રાજપુર અને ઈશાન ખટ્ટરથી થાય છે. જેમાં તે પોતાના દિયરને કંઈક સમજાવી રહી છે. પરંતુ ઈશાન તેની વાત સાંભળતો નથી, તે મીરાને ગુસ્સે કરે છે અને તે તરત જ ઊભો થઈને જતો રહે છે. એટલામાં ભાઈ શાહિદ કપૂર આવે છે અને ઈશાનને મીરા વિરુદ્ધ ભડકાવે છે.
વીડિયોમાં શાહિદ કપૂર તેના ભાઈ ઈશાનને કહે છે, ’મર્દ બન. એ તારી મર્દાનગીની લલકારીને જતી રહી. પોતાના ભાઈ દ્વારા ભડકાવવાથી ઈશાન અકડમાં મીરા રાજપૂત પાસે જાય છે. પરંતુ જ્યારે મીરા રાજપૂતે તેને થપ્પડ મારી ત્યારે તેની બધી અકડ ખતમ થઈ ગઈ. જે બાદ બંને હસી પડ્યા.