- સ્વામિનારાયણ સંસ્થાના વડા મહારાજની જન્મશતાબ્દીની ઉજવણી કરવામાં આવી
- પ્રમુખસ્વામી મહારાજ ભગવાન સ્વામિનારાયણના પાંચમા આધ્યાત્મિક અનુગામી હતા.
નવીદિલ્હી,
સંયુક્ત રાષ્ટ્રમાં ભારતના કાયમી મિશન અને બોચાસણવાસી અક્ષર પુરુષોત્તમ સ્વામિનારાયણ સંસ્થાએ તેના વડા સ્વામીજી મહારાજની જન્મશતાબ્દીની ઉજવણી કરી. આ પ્રસંગે યુએનના અધિકારીઓ અને રાજદ્વારીઓએ સ્વામીજી મહારાજના સંદેશ ’વિશ્વ એક પરિવાર છે’ના મહત્વ પર પ્રકાશ પાડ્યો હતો.
અક્ષર પુરૂષોત્તમ સંસ્થાના વડા સ્વામી મહારાજના જીવન અને સંદેશ પર એક વિશેષ કાર્યક્રમનું સંયુક્ત રાષ્ટ્રમાં આયોજન કરવામાં આવ્યું હતું. યુએનના અધિકારીઓ અને રાજદ્વારીઓએ કહ્યું કે પ્રમુખસ્વામીજી મહારાજ વિશ્વ ના મહાન આધ્યાત્મિક નેતાઓમાંના એક છે. તેમનું જીવન સેવા અને કરુણાના મૂલ્યો પર આધારિત છે. વક્તાઓએ સમાવેશી સમાજો વિક્સાવવાના હેતુથી વૈશ્વિક પ્રોજેક્ટ્સ અને સામાજિક-આર્થિક પહેલોને પ્રેરણા આપી હતી.
યુએનમાં ભારતીય રાજદૂત રૂચિરા કંબોજે જણાવ્યું હતું કે સ્વામીજીનું જીવન સાચા અર્થમાં માનવતા માટે સંદેશ છે. તે એક્તાનો સંદેશ છે, ભલાઈની ઉજવણી કરવાનો સંદેશ છે, શાંતિ, સૌહાર્દ અને ભાઈચારાનો સંદેશ છે. તેઓ ભારતના મહાન આધ્યાત્મિક શિક્ષકોમાંના એક તરીકે આદરણીય છે. કંબોજે કહ્યું કે સ્વામીજીએ વિશ્વ ને ’દુનિયા એક પરિવાર છે’નો સિદ્ધાંત જીવ્યો અને શીખવ્યો. પ્રમુખસ્વામી મહારાજ ભગવાન સ્વામિનારાયણના પાંચમા આધ્યાત્મિક અનુગામી હતા. તેઓ ૧૯૫૦માં બીએપીએસના પ્રમુખ બન્યા હતા. તેમનું ૨૦૧૬માં ૯૪ વર્ષની વયે અવસાન થયું હતું.
ભારતીય રાજદૂત કંબોજે જણાવ્યું હતું કે ’એક પરિવાર તરીકે વિશ્વ ’ની આ કાયમી ફિલસૂફી બહારની દુનિયા સાથે ભારતની સતત ક્રિયાપ્રતિક્રિયા અને વિચારોના આદાનપ્રદાન માટે માર્ગદર્શન આપે છે. ભારત ’જી ૨૦’નું અધ્યક્ષ બન્યું છે અને તેની કેન્દ્રીય થીમ ’વસુધૈવ કુટુંબકમ’ અથવા ’એક પૃથ્વી, એક પરિવાર, એક ભવિષ્ય’ છે. તેમણે કહ્યું કે ભારત એવો દેશ છે જ્યાં વિવિધતામાં એક્તા છે.
આ કાર્યક્રમમાં સંયુક્ત રાષ્ટ્રના અન્ડર-સેક્રેટરી-જનરલ મિગુએલ મોરાટિનોસનો સંદેશ વાંચવામાં આવ્યો હતો. તેમાં તેમણે કહ્યું હતું કે પ્રમુખસ્વામી મહારાજે પૃથ્વીની તમામ જરૂરિયાતો અને મુશ્કેલીઓને સમજવા માટે પોતાનું જીવન સમપત કર્યું હતું.