નવીદિલ્હી,
પંજાબી ગાયક અને કોંગ્રેસી નેતા સિધૂ મૂસેવાલાની હત્યાના સૂત્રધાર મનાતા ગેંગસ્ટર ગોલ્ડી બ્રાર અમેરિકાના કેલિફોનયામાં પકડાઈ ગયાનો પંજાબના મુખ્ય પ્રધાન ભગવતં માને દાવો કર્યા બાદ હવે આ મામલામાં એક નવો વળાંક આવ્યો છે. ગોલ્ડી બ્રારનો એક કથિત ઈન્ટરવ્યૂ ઓનલાઈન પર જોવા મળ્યો છે. એમાં તેણે એવો દાવો કર્યેા છે કે પોતાની ધરપકડ કરાઈ નથી અને પોતે અમેરિકામાં પણ નથી.
ભગવતં માને ગઈ બીજી ડિસેમ્બરે અમદાવાદમાં પત્રકાર પરિષદમાં એવો દાવો કર્યેા હતો કે મૂસેવાલા હત્યા કેસના કથિત સૂત્રધાર બ્રારની કેલિફોનયામાં પોલીસે ધરપકડ કરી લીધી છે અને એને ચોક્કસપણે ભારત લાવવામાં આવશે. એ ટૂંક સમયમાં જ પંજાબ પોલીસની કસ્ટડીમાં આવશે. પરંતુ, બ્રારે યૂટૂબ પર એક પત્રકારને કથિતપણે આપેલા એક ઈન્ટરવ્યૂમાં પોતાની ધરપકડ કરાઈ હોવાના દાવાઓનું ખંડન કયુ હતું. આ ઈન્ટવ્યૂની વિશ્વાસપાત્રતાને હજી પુષ્ટ્રિ મળી નથી. તે કથિત ઈન્ટરવ્યૂમાં, એક વ્યક્તિ પોતાને ગોલ્ડી બ્રાર તરીકે ઓળખાવે છે અને એવો દાવો કરે છે કે એની ધરપકડ કરવામાં આવી નથી અને પોતે અમેરિકામાં નથી. ઉલ્લેખનીય છે કે, ગયા મે મહિનામાં પંજાબના માનસા શહેરમાં સિધૂ મૂસેવાલાની ગોળી મારીને હત્યા કરાયા બાદ તે કૃત્યની જવાબદારી બ્રારે સોશ્યલ મીડિયા મારફત લીધી હતી.