ગોધરામાં મોડી રાત્રે પાંચ જેટલા ઈસમોએ યુવાકને તલવારોના ઘા મારી લોહીલુહાણ કર્યો : યુવકની હાલત ગંભીર હોવાના કારણે વડોદરા હોસ્પિટલમાં અંતિમ શ્વાસ લીધો.

ગોધરા શહેરના જૂના ડાકોર રોડ ઘાસ ગોડાઉન પાસે આવેલ મુન્ના ફળિયા વિસ્તારમાં આજરોજ રાત્રીના ત્રણથી ચાર વાગ્યાના આરસામાં એક યુવક ઉપર ખૂની ખેલા ખેલાયો હતો. જેમાં યુવાન લોહીથી લથપથ હાલતમાં જમીન ઉપર પડી રહેલો હતો. જો કે આજુબાજુના સ્થાનિક લોકો તાત્કાલિક દોડી આવી યુવકને 108 એમ્બ્યુલન્સ મારફતે ગોધરા સિવિલ હોસ્પિટલમાં સારવાર અર્થે લાવવામાં આવ્યો હતો, પરંતુ યુવકની હાલત અત્યંત ગંભીર હોવાના કારણે તાત્કાલિક વડોદરા હોસ્પિટલ ખાતે રિફર કરવામાં આવ્યો હતો. જ્યાં યુવકે અંતિમ શ્વાસ લીધો હતો, હાલ તો ગોધરા બી-ડિવિઝન પોલીસ દ્વારા તમામ ઘટનાની તપાસ હાથ ધરવામાં આવી છે.

ગોધરા શહેરના સિંગલ ફળિયા વિસ્તારમાં આવેલા મુન્ના ફળિયાની બહાર રોડ ઉપર પાંચ જેટલા માથાભારે શખ્સોએ ચાકુ લોખંડની પાઇપ અને લોખંડનો હથોડો તેમજ તલવાર જેવા મારક હથિયારો સાથે એક ઇસમને ઉપરા છાપરી ઘા મારી ગંભીર પ્રકારે ઈજાગ્રસ્ત કરી ફરાર થઈ ગયા હતા. જોકે આજુબાજુના સ્થાનિક લોકો દોડી આવી અને યુવકને તાત્કાલિક સિવિલ હોસ્પિટલ ખાતે લઈ ગયા હતા. જ્યાં યુવકની હાલત અત્યંત નાજુક હોવાથી તેને તાત્કાલિક વડોદરા સયાજી હોસ્પિટલ ખાતે રીફર કરવામાં આવ્યો હતો. જ્યાં સારવાર લેતાં પહેલા જ યુવકે દમ તોડ્યો હતો. હાલ તો ગોધરા બી-ડિવિઝન પોલીસ મથકમાં પાંચ આરોપીઓ વિરુદ્ધ ગુનો નોંધી વધુ તપાસ હાથ ધરેલ છે.

આ બનાવની પ્રાપ્ત વિગત અનુસાર ગોધરા શહેરના સિંગલ ફળિયા ઇન્દ્રરજીની ગલીમાં અનવર કોઠીની બાજુમાં રહેતા ઓવેશ મોહમદ હનીફ ભાગલીયા પોતાની પોલીસ ફરિયાદમાં જણાવ્યું હતું કે, આજરોજ મધ્યરાત્રીના 2:30 વાગ્યાના અરસામાં સિંગલ ફળિયા વિસ્તારમાં આવેલા મુન્ના ફળિયાની બહાર રોડ ઉપર મરણ જનાર મોહસીન મોહમદ હનીફ ભાગલીયા ઉર્ફે ચૂચલાને આરોપી સાજીદ ઈલ્યાસ ભમેડીએ ચાકુથી પગમાં ઘા મારી અને અનવર બસીર હયાત મરણ જનાર મોહસીનને તું કેમ અમારી સાથે 307ની મેટરમાં સમાધાન કરતો નથી તેમ કહીને અગાઉના ગુનાઓની અંગત અદાવત રાખી લોખંડની પાઇપ અને લોખંડના હથોડાથી શરીર ઉપર ગંભીર પ્રકારે મારવા લાગ્યા હતા.

​​​​​​​જ્યારે ઈરફાન બસીર હયાત અને હસન બસીર હયાત તલવાર વડે મરણ જનાર મોહસીન મોહમ્મદને ઉપરા છાપરી ઘા મારી ગંભીર પ્રકારે ઇજાગ્રસ્ત કરી ફરાર થઈ ગયા હતા. ત્યારે આજુબાજુના સ્થાનિક લોકો તાત્કાલિક મોહસીનને ગોધરા સિવિલ હોસ્પિટલ ખાતે લઈ ગયા હતા. જ્યાં મોહસીનની હાલત અત્યંત નાજુક હોવાના કારણે વડોદરા સયાજી હોસ્પિટલ ખાતે ખસેડવામાં આવ્યો હતો. જ્યાં સારવાર મળે તે પહેલા જ મોહસીન દુનિયાને અલવિદા કરી ચૂક્યો હતો. હાલ તો સમગ્ર બનાવને લઈને ગોધરા બી-ડિવિઝન પોલીસમાં ગુનો નોંધાયો છે. બીજી બાજુ બી-ડિવિઝનના પીઆઈ આર.કે.રાજપૂતએ તમામ આરોપીઓને પકડવા માટે તપાસનો ધમધમાટ શરૂ કર્યો છે.

આરોપીઓના નામની યાદી

(૧) સાજીદ ઈલ્યાસ ભમેડી રહે મોહમંદી મહોલ્લા ગોધરા.
(૨) અનવર બશીર હયાત રહે.હયાતનીવાડી ગોધરા.
(૩) ઈરફાન બશીર હયાત રહે.આદમ મસ્જીદ પાસે ગોધરા.
(૪) હસન બશીર હયાત રહે.હયાતનીવાડી ગોધરા.
(૫) જુનૈદ સુલેમાન ભાગલીયા રહે.ઉપલીવાડી અબરાર મસ્જીદ ગોધરા.