શહેરા,
શહેરા પોલીસ સ્ટેશન ખાતે ઈદે મિલાદના તહેવારને લઈને નાયબ પોલીસ અધિક્ષક એન.વી.પટેલ અને પોલીસ ઇન્સ્પેક્ટર રાહુલ રાજપુતની અધ્યક્ષતામાં હિન્દુ-મુસ્લિમ સમાજના આગેવાનો સાથે શાંતિ સમિતિની બેઠક યોજાઈ હતી.
પંચમહાલ જીલ્લામાં સોમવારના રોજ મુસ્લિમ સમાજનો ઈદે મિલાદનો તહેવાર હોય અને આ પર્વ શાંતિમય વાતાવરણમાં ઉજવાય જેને લઈને શહેરા પોલીસ મથકે ડીવાયએસપી એન.વી.પટેલ અને પોલીસ ઇન્સ્પેક્ટર રાહુલ રાજપુતની અધ્યક્ષતામાં હિન્દુ-મુસ્લિમ સમાજના આગેવાનો સાથે શાંતિ સમિતિની બેઠક યોજાઈ હતી. જેમાં ઈદે મિલાદના તહેવારને લઈને મુસ્લિમ સમાજ દ્વારા આયોજીત જુલુસ શાંતિમય વાતાવરણમાં નીકળે અને તહેવાર દરમ્યાન કોઈ અનિચ્છનીય બનાવ ન બને તેમજ કાયદો અને વ્યવસ્થા જળવાઈ રહે તે માટે પોલીસ દ્વારા સામાજીક આગેવાનો સાથે ખાસ ચર્ચા કરાઇ હતી. નગરના હિન્દુ-મુસ્લિમ સમાજના આગેવાનો તેમજ યુવાનો હાજર રહ્યા રહ્યા હતા.