મહિસાગર જિલ્લાના વિરપુર તાલુકાના દાંતલા પેટે તોરણાના મુવાડા ગામે 17 વર્ષના કિશોરે ધરે ગળેફાંસો ખાઈ આપધાત કરી લીધો હતો.
દાંતલા પેટે તોરણાના મુવાડામાં રહેતા મહેશ રમણભાઈ ડામોરનો પુત્ર હિંમત ડામોર(ઉ.વ.17)ધો.-12માં અભ્યાસ કરતો હતો. મહેશભાઈ છેલ્લા કેટલાક સમયથી બહારગામ રહેતા હતા. જયારે હિંમત ગામમાં જ રહી અભ્યાસ કરતો હતો. આ દરમિયાન તા.24 નવેમ્બરની રાત્રિએ અગમ્ય કારણોસર હિંમતે પોતાના ધરની પાછળના ગુજારામાં લાકડાના મોભે સાડીના ટુકડાથી ગળેફાંસો ખાઈ આપધાત કરી લીધો હતો. આ અંગે વિરપુર પોલીસને જાણ કરતા ટીમ સ્થળ પર પહોંચી હતી. પ્રાથમિક તપાસ બાદ મૃતદેહને પી.એમ.અર્થે હોસ્પિટલ મોકલી આપ્યો હતો. આ બનાવ અંગે હિંમતના પરિવારજનોએ હત્યાની આશંકા વ્યકત કરી ગુન નોંધવા માંગ કરી હતી. પરંતુ હાલ પોલીસે અકસ્માત મોત અન્વયે ગુનો નોંધી પી.એમ.રિપોર્ટના આધારે તપાસ હાથ ધરી છે.