નીટ પેપર લીક કેસમાં ED એ મોટી કાર્યવાહી કરી છે. ઈડીએ મેડિકલ પ્રવેશ પરીક્ષાના પ્રશ્ર્નપત્ર લીક કેસમાં એક આરોપીની આશરે રૂ. ૧૦ લાખની ફિક્સ ડિપોઝીટ એટેચ કરી છે. વાસ્તવમાં, ઈડીએ સીબીઆઇ દ્વારા નોંધાયેલી એફઆઇઆરના આધારે પ્રિવેન્શન ઓફ મની લોન્ડરિંગ એક્ટ હેઠળ તપાસ શરૂ કરી હતી. આ સમયગાળા દરમિયાન કેટલાક આરોપીઓને સમન્સ પણ જારી કરવામાં આવ્યા હતા.
પેપર લીક કેસમાં તપાસ દરમિયાન ઈડીએ ગુનાની કાર્યવાહીની ઓળખ કરી છે. જે બાદ ઈડીએ એક આરોપીની એફડી જપ્ત કરી લીધી હતી. હજુ તપાસ ચાલુ છે અને ટૂંક સમયમાં અન્ય આરોપીઓની સંપત્તિ પણ જપ્ત થઈ શકે છે. તમને જણાવી દઈએ કે ગયા મહિને સુપ્રીમ કોર્ટે નીટ પરીક્ષા ફરીથી લેવાનો ઈક્ધાર કરી દીધો હતો. સુપ્રીમ કોર્ટે નેશનલ ટેસ્ટિંગ એજન્સી (એનટીએ)ને કહ્યું હતું કે તે ખોટા પગલાં લઈ શકે નહીં, ખોટા નિર્ણયો લઈ શકે નહીં અને પછીથી તેમાં સુધારો કરી શકે નહીં.
સુપ્રીમ કોર્ટે એનટીએને કહ્યું કે તેણે મહત્વપૂર્ણ સ્પર્ધાત્મક પરીક્ષાઓ દરમિયાન સુરક્ષા અને વિશ્ર્વસનીયતાના સર્વોચ્ચ ધોરણો જાળવવા જોઈએ, તમને જણાવી દઈએ કે ગયા મહિને સીબીઆઇએ ૪૦ લોકોની ધરપકડ કરી હતી. જેમાં બિહાર પોલીસ દ્વારા અગાઉ ધરપકડ કરાયેલા ૧૫ લોકોનો પણ સમાવેશ થાય છે. સીબીઆઈએ ૫૮ જગ્યાએ સર્ચ પણ કર્યું હતું. ઓગસ્ટમાં સીબીઆઈએ ૧૩ લોકો સામે પ્રથમ ચાર્જશીટ દાખલ કરી હતી. પોલીસે ૫ મેના રોજ પેપર લીકનો કેસ નોંયો હતો. સીબીઆઈએ ૨૩ જૂને કેસની તપાસ હાથ ધરી હતી.
નીટ પેપર લીક કેસમાં સીબીઆઇએ ૧૩ લોકો વિરુદ્ધ ચાર્જશીટ દાખલ કરી છે. આ કાર્યવાહી ૧ ઓગસ્ટ ૨૦૨૪ના રોજ થઈ હતી. આ લોકો પર છેતરપિંડી, ષડયંત્ર અને અન્ય કલમો હેઠળ આરોપી છે. સીબીઆઈએ નીતિશ કુમાર, અમિત આનંદ, જિતેન્દ્ર, રાઘવેન્દુ, આશુતોષ કુમાર, રોશન કુમાર, મનીષ પ્રકાશ, અવધેશ કુમાર, અખિલેશ કુમાર, અનુરાગ યાદવ, શિવાનંદન કુમાર, અભિષેક કુમાર અને આયુષ રાજ વિરુદ્ધ આઇપીસીની વિવિધ કલમો હેઠળ કેસ નોંધવામાં આવ્યો છે. આ મામલો નીટ પરીક્ષાના પેપર લીક સાથે સંબંધિત છે, જેમાં આ લોકો પર ગેરરીતિનો આરોપ છે. સીબીઆઈએ તેની તપાસ બાદ આ ચાર્જશીટ દાખલ કરી છે.