કાલોલના ગધેડી ફળીયાના નાકા પાસથી કાલોલ પોલીસે નાકાબંધી કરી ગોધરા થી ગોધરા તરફ ઈંગ્લીશ દારૂ ભરીને જતી બ્રેઝા કાર માંથી 1 લાખ ઉપરાંતનો ઈંગ્લીશ દારૂ સાથે આરોપીને ઝડપી પાડવામાંં આવ્યો.
પ્રાપ્ત વિગતો મુજબ કાલોલ પોલીસે બાતમી મળી હતી કે, સફેદ કલરની બ્રેઝા કાર નં.જીજે.23.સીએ.9300માં ઈંગ્લીશ દારૂનો જથ્થો ભરીને ગોધરા થી વડોદરા તરફ જનાર છે. તેવી બાતમીના આધારે કાલોલ પોલીસે ગધેડી ફળીયાના નાકા પાસે આડશો મુકીને નાકાબંધી કરી હતી. બાતમીવાળી બ્રેઝા કારને ઝડપી પાડી હતી.
કાર માંથી કાઉન્ટી કલબ ડીલક્ષ વ્હીસ્કી કવાટરીયા પેટી નંગ-9, રોયલ સ્ટોંગ વ્હીસ્કી કવાટરીયા પેટી નંગ-4, કીંગફિશર સ્ટ્રોંગ બીયર પેટી નંગ-13 મળી કુલ 1,07,040/-રૂપીયાનો ઈંગ્લીશ દારૂ, મોબાઈલ ફોન, કાર મળી કુલ 6,12,040/-રૂપીયાના મુદ્દામાલ સાથે દિનેશ બાબુભાઇ નિનામા (રહે. થાના લીમડી ઝાલોદ)ને ઝડપી પાડવામાં આવ્યો.