ઝાલોદ તાલુકાના માંડલેશ્વર મહાદેવ મંદિર પાસે આવેલ વગેલાનો એક યુવક કૃણાલભાઈ સેલ્ફી લેવા જતા પાણીના નાળામા ફસાઈ ગયેલ યુવકને રેસ્ક્યુ કરી બચાવી લેવામાં આવ્યો હતો. પ્રાપ્ત માહિતી મુજબ માંડલેશ્વર મહાદેવ મંદિર પાસે એક યુવક માંડલેશ્વર મંદિરની પાસે સેલ્ફી લઇ રહેલ હતો. યુવક અચાનક પાણીમાં પડી જતાં ત્યાં આવેલ મોટા નાળામાં ફસાઈ ગયેલ હતો. ત્યાં ઉપસ્થિત લોકોને ખબર પડતાં તાત્કાલિક ઝાલોદની ફાયર ટીમને જાણકારી આપી હતી. ઝાલોદની ફાયર ટીમ દ્વારા તાત્કાલિક સ્થળે પહોંચી દોરી બાંધી પાણીમાં ઉતરી યુવકને નાળા માંથી બહાર કાઢવામાં આવ્યો હતો અને યુવકને હેમખેમ બચાવી લેવામાં આવ્યો હતો. ઝાલોદ ફાયર વિભાગની સુંદર અને પ્રસંસનીય કામગીરીને ઉપસ્થિત સહુ લોકોએ સરાહી હતી. જેમાં ઝાલોદ ફાયર બ્રિગેડના કર્મીઓ દ્વારા રેસ્ક્યુ ઓપરેશન પાર પાડતા ફાયર કર્મી જેમાં પટેલ હેમંતભાઈ વસૈયા અજયભાઈ નિલેશભાઈ બારીયા ડામોર પ્રભાત ભાઈ દ્વારા સફળ ઓપરેશન પાર પાડયું હતું.