ગોધરાના ભરચક વિસ્તાર સાતપુલ વેજલપુર માર્ગ પર એક મોટો ભુવો પડી જતાં વોર્ડ નં.-7ના સ્થાનિક કાઉન્સિલર સિદ્દીકભાઈ સાહેબખા (ડેની)દ્વારા તાત્કાલિક પાલિકાના મુખ્ય અધિકારીને જાણ કરતા પાલિકા ટીમ એકશનમાં આવી હતી.
ગોધરા સાતપુલ વેજલપુર મુખ્ય માર્ગના મઘ્યમાં એક મોટો ભુવો પડતાં મુખ્ય માર્ગ પર અકસ્માતની ભિતી સેવાઈ રહી હતી. સ્થાનિકો દ્વારા વિસ્તરણ કાઉન્સિલરને જાણ કરતા તાત્કાલિક પાલિકા ટીમ મુખ્ય અધિકારી સહિત સ્થળ પર દોડી આવ્યા હતા. જેસીબી વડે કામગીરીનો પ્રારંભ કરીને ભુવાની રિપેરીંગ કામગીરી હાથ ધરવામાં આવેલ હતી. મુખ્ય માર્ગ પરના ભુવાની રિપેરીંગ કામગીરી દરમિયાન પાલિકાના મુખ્ય અધિકારી સહિતના અધિકારીઓ દ્વારા ખડેપટે કામગીરી પુર્ણ કરવામાં આવેલ હતી. સમસ્યાનુ તાત્કાલિક નિવારણ લવાયુ હતુ.