આસામ સરકારે શુક્રવારે નમાઝ માટે આપવામાં આવતી બે કલાકની રજા પર પ્રતિબંધ મૂકવાનો નિર્ણય કર્યો છે. રાજ્યના સીએમ હિમંતા બિસ્વા સરમાએ એક્સ પોસ્ટ દ્વારા આ માહિતી આપી છે.
આસામ વિધાનસભાના કર્મચારીઓને શુક્રવારની નમાજ માટે ૨ કલાકની રજા લેવા પર પ્રતિબંધ મુકવામાં આવ્યો છે. આવી સ્થિતિમાં હવે વિધાનસભાના કર્મચારીઓને આ બ્રેક નહીં મળે.આ પ્રથા ૧૯૩૭માં મુસ્લિમ લીગના સૈયદ સાદુલ્લાએ શરૂ કરી હતી.
આસામના મુખ્યમંત્રી હિમંતા બિસ્વા સરમાએ પણ આ અંગે ટ્વીટ કર્યું છે. આ માટે તેમણે વિધાનસભા અયક્ષનો આભાર વ્યક્ત કર્યો છે. એક ટ્વિટમાં, તેમણે કહ્યું કે આ નિર્ણય દ્વારા આસામ વિધાનસભાએ ઉત્પાદક્તાને પ્રાથમિક્તા આપી છે.