ઝારખંડ મુક્તિ મોરચા (જેએમએમ)ના ધારાસભ્ય રામદાસ સોરેને શુક્રવારે મંત્રી તરીકે શપથ લીધા. ઘાટસિલા ધારાસભ્યએ હેમંત સોરેનની આગેવાની હેઠળના રાજ્ય કેબિનેટમાં ભૂતપૂર્વ મુખ્ય પ્રધાન ચંપાઈ સોરેનનું સ્થાન લીધું છે. રાજ્યપાલ સંતોષ કુમાર ગંગવારે રાજભવન ખાતે રામદાસ સોરેનને પદ અને ગુપ્તતાના શપથ લેવડાવ્યા હતા. આ દરમિયાન મુખ્યમંત્રી હેમંત સોરેન, જેએમએમના નેતૃત્વવાળા ગઠબંધનના વરિષ્ઠ નેતાઓ અને ઘણા સરકારી અધિકારીઓ હાજર હતા.ચંપાઈ સોરેને બુધવારે મંત્રી અને ધારાસભ્ય પદેથી રાજીનામું આપી દીધું હતું. આ પછી રામદાસ સોરેનનો રાજ્ય કેબિનેટમાં સમાવેશ કરવામાં આવ્યો હતો.
તમને જણાવી દઈએ કે એન્ફોર્સમેન્ટ ડિરેક્ટોરેટએ જાન્યુઆરીમાં ઝારખંડ મુક્તિ મોરચા નેતા હેમંત સોરેન (૪૮)ની મુખ્યમંત્રી પદ પરથી રાજીનામું આપ્યાના થોડા સમય બાદ ધરપકડ કરી હતી. આ પછી, ૨ ફેબ્રુઆરીએ ચંપાઈ ઝારખંડના મુખ્યમંત્રી બન્યા. આ પછી, હેમંત સોરેનને જામીન પર મુક્ત કર્યા પછી, ચંપાઈએ ૩ જુલાઈએ મુખ્ય પ્રધાન પદ છોડી દીધું અને સોરેને ૪ જુલાઈએ મુખ્ય પ્રધાન તરીકે શપથ લીધા.
દરમિયાન, ચંપાઈએ ૨૮ ઓગસ્ટે રાજ્ય વિધાનસભાના સભ્ય અને ઝારખંડના મંત્રી પદ પરથી રાજીનામું આપ્યું હતું. પક્ષના વડા શિબુ સોરેનને લખેલા પત્રમાં, વરિષ્ઠ આદિવાસી નેતાએ કહ્યું હતું કે જેએમએમની વર્તમાન કાર્યશૈલીથી નારાજ હોવાથી, તેમને પદ છોડવાની ફરજ પડી હતી.