શહેરા તાલુકાના નવા વલ્લવપુર ગામના રહેણાંક મકાન પાસે મોડી રાત્રે મગર એ દેખો દીધો. નવા વલ્લવપુર ગામના કાંતિભાઈ હીરાભાઈના રહેણાંક મકાન પાસે 5 થી 6 ફૂટ લાંબો મગર દેખાતા આસપાસના લોકોમાં ભયનો માહોલ ફેલાયો થયો હતો. નવા વલ્લવપુર ગામના જીવદયા પ્રેમી મુકેશ માછી અને એમની ટીમ દ્વારા મગરનું રેસ્ક્યુ કરવામાં આવ્યું હતું. મગરનું રેસ્ક્યુ કરી 5 થી 6 ફૂટ લાંબા મગરને નજીકના તળાવમાં છોડવામાં આવ્યો હતો. મગરનું સફળ રેસ્ક્યુ થતાં ઘર માલિક સહિત આસપાસના રહીશોએ હાશકારો અનુભવ્યો હતો.