ગોધરાના ગોન્દ્રા સર્કલ પાસે છકડાવાડના પાર્કિંગ પાસે ખુલ્લી જગ્યામાં કેટલાક ઈસમો જાહેરમાં જુગાર રમતા હોય તે સ્થળે બી-ડીવીઝન પોલીસે રેઈડ કરી 12 જુગારીયાઓને રૂ.67,200/-ના મુદ્દામાલ સાથે ઝડપી પાડવામાં આવ્યો હતો.
પ્રાપ્ત માહિતી અનુસાર ગોધરાના ગોન્દ્રા સર્કલ પાસે છકડાવાડના પાર્કિંગ પાસે ખુલ્લી જગ્યામાં કેટલાક ઈસમો જાહેરમાં જુગાર રમી રહ્યા છે. તેવી બાતમીના આધારે બી-ડીવીઝન પોલીસે રેઈડ કરી હતી. રેઈડ દરમિયાન 12 જુગારીયાઓ અહેમદ મોહંમદ ધંત્યા ઉર્ફે કોકણીયો, ચમન મુલચંદ કલવાણી, અલફરહાન કાદરભાઈ મન્સુરી, યુસુફ અબ્દુલ હમીદ શેખ ઉર્ફે બીજલી, ઈમરાન યામીન ડગુ, રમેશ કુમાર અર્જુનસિંહ પરમાર, જયદેવકુમાર ઈન્દ્રજીતસિંહ રાઠોડ, કલ્પેશ દિપકભાઈ રાવળ, ધર્મેન્દ્ર વિજયસિંહ પરમાર, અલી અસગર ઈરશાદ બરોડાવાલા, વિજય જેઠાલાલ મેઘવાણી, ગોરધનભાઈ તેજુમલ રાજાઈ ને ઝડપી પાડવામાં આવ્યા હતા.
ઝડપાયેલ જુગારીયાઓની અંગઝડતી અને દાવ ઉપર મુકેલ રૂ.11,780/- તેમજ મોબાઈલ ફોન નંગ-6 મળી કુલ 67,200/-રૂપિયાનો મુદ્દામાલ કબ્જે લેવામાં આવ્યો હતો. આ બાબતે ગોધરા બી-ડીવીઝન પોલીસ મથકે જુગારધારા હેઠળ ફરિયાદ નોંધાવવા પામી છે.