દેવગઢ બારીઆ તાલુકાના પંચેલા ગામે એક અજાણ્યા ફોર વ્હીલર ગાડીના ચાલકે એક મોટરસાઈકલને અડફેટમાં લેતાં મોટરસાઈકલના ચાલક તેમજ પાછળ બેઠેલે એક 08 વર્ષિય બાળકીને શરીરે ગંભીર ઈજાઓ પહોંચતાં બંન્ને સારવાર માટે નજીકના દવાખાને લઈ જવામાં આવતાં જ્યાં સારવાર દરમ્યાન મોટરસાઈકલના ચાલકનું મોત નીપજ્યાંનું જાણવા મળે છે.
ગત તા.23મી ઓગષ્ટના રોજ દેવગઢ બારીઆના પંચેલા ગામેથી પસાર થતાં બાયપાસ ક્રોસીંગ નજીકથી દેવગઢ બારીઆના ગુણા ગામે બારીયા ફળિયામાં રહેતાં 69 વર્ષિય સોમાભાઈ બાધરભાઈ પટેલ તથા તેમની સાથે 08 વર્ષિય મહેશ્વરીબેન વિરેન્દ્રકુમાર બારીઆ એમ બંન્ને જણા એક મોટરસાઈકલ સવાર થઈ પસાર થઈ રહ્યાં હતાં તે સમયે એક અજાણ્યા ફોર વ્હીલર ગાડીના ચાલકે પોતાના કબજાની ફોર વ્હીલર ગાડી પુરઝડપે અને ગફલત ભરી રીતે હંકારી લાવી સોમાભાઈની મોટરસાઈકલને જોશભેર ટક્કર મારતાં સોમાભાઈ અને પાછળ બેઠેલ મહેશ્વરીબેન જમીન પર પટકાયાં હતાં. ઘટનાને પગલે સ્થળ પર લોકટોળા ઉમટી પડ્યાં હતાં. બંન્ને ઈજાગ્રસ્તોને તાત્કાલિક નજીકના દવાખાને સારવાર માટે લઈ જવામાં આવ્યાં હતાં જ્યાં સારવાર દરમ્યાન સોમાભાઈનું મોત નીપજ્યું હતું.આ સંબંધે અર્જુનભાઈ સોમાભાઈ બારીઆએ પીપલોદ પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.