ગોધરા તાલુકાના કાંકણપુર પેટ્રોલપંપની બાજુમાં કેટલાક ઈસમો જાહેરમાં જુગાર રમતા હોય તેવી બાતમીના આધારે ત્રણ જુગારીયાઓને 1,430/-રૂપિયાના મુદ્દામાલ સાથે ઝડપી પાડવામાં આવ્યા હતા.
પ્રાપ્ત માહિતી અનુસાર ગોધરા તાલુકાના કાંકણપુર ગામે પેટ્રોલપંપની બાજુમાં જાહેરમાં કેટલાક ઈસમો જુગાર રમતા હોય તે સ્થળે કાંકણપુર પોલીસે રેઈડ કરી સંજયભાઈ વનરાજભાઈ લુહાર, ગોપાલભાઈ મોહનભાઈ નાયક, કાર્તિક દશરથભાઈ ચોૈહાણને ઝડપી પાડવામાં આવ્યા હતા. ઝડપાયેલા જુગારીયાઓની અંગઝડતી અને દાવ ઉપર મુકેલ રૂ.1,430/-મુદ્દામાલ કબ્જે લેવામાં આવ્યો હતો. આ બાબતે કાંકણપુર પોલીસ મથકે જુગારધારા હેઠળ ગુનો નોંધી કાયદેસરની કાર્યવાહી હાથ ધરવામાં આવી હતી.