મહારાષ્ટ્રના બદલાપુરમાં છોકરીઓના યૌન શોષણ સામે થયેલા હોબાળા બાદ સ્થિતિ સામાન્ય રહી હતી. રેલવે સ્ટેશન પર પોલીસ બંદોબસ્ત ગોઠવી દેવામાં આવ્યો હતો. આ સમયગાળા દરમિયાન, ટ્રેનો સુરક્ષિત રીતે ચલાવવામાં આવી હતી. પોલીસે અફવાઓ પર કાબૂ મેળવવા માટે થોડા દિવસો માટે ઈન્ટરનેટ સેવાઓ બંધ કરી દીધી છે. પોલીસે વિરોધ પ્રદર્શન અને હંગામા માટે ૩૦૦ લોકો વિરુદ્ધ એફઆઇઆર નોંધી છે. જ્યારે ૪૦ લોકોની ધરપકડ કરવામાં આવી હતી. તેમને કોર્ટમાં રજૂ કરવામાં આવશે.
બદલાપુરમાં બે શાળાની વિદ્યાથનીઓના યૌન શોષણના વિરોધમાં રેલ રોકો પ્રદર્શન કરવામાં આવ્યું હતું. આ દરમિયાન મય રેલવેની કેટલીક રેલવે સેવાઓ બંધ કરી દેવામાં આવી હતી. બપોરે પ્રદર્શનકારીઓ શાળાએ પહોંચ્યા અને તોડફોડ કરી. આ પછી ગુસ્સે થયેલા પ્રદર્શનકારીઓએ પથ્થરમારો શરૂ કરી દીધો હતો જે બાદ પોલીસે રેલવે ટ્રેક ખાલી કરાવ્યો હતો. બપોરે ૧ વાગે આંદોલનકારીઓ રેલ્વે ટ્રેક પર પાછા આવી ગયા હતા. વિરોધર્ક્તાઓએ બદલાપુર સ્ટેશન પર હંગામો મચાવ્યો હતો. આ દરમિયાન પોલીસે લાઠીચાર્જ કરીને પ્રદર્શનકારીઓને વિખેરવા પડ્યા હતા. દેખાવકારોએ પોલીસ પર પણ પથ્થરમારો કર્યો હતો. પોલીસે પ્રદર્શનકારીઓને દૂર કર્યાના ૧૦ કલાક બાદ ટ્રેન સેવાઓ પુન:સ્થાપિત કરવામાં આવી હતી.
મય રેલ્વેના ડીસીપી જીઆરપી મનોજ પાટીલે કહ્યું કે હવે સ્થિતિ સામાન્ય છે. ટ્રેનો પણ આગળ વધી રહી છે. કોઈ કલમ લગાવવામાં આવી નથી. અફવાઓ ન ફેલાય તે માટે ઈન્ટરનેટ સેવાઓ થોડા દિવસો માટે બંધ કરી દેવામાં આવી છે. પોલીસે કહ્યું કે પોલીસે વિરોધ કરવા અને હંગામો કરવા બદલ ૩૦૦ લોકો વિરુદ્ધ એફઆઇઆર નોંધી છે. જ્યારે ૪૦ લોકોની ધરપકડ કરવામાં આવી હતી.
બદલાપુર પૂર્વની એક જાણીતી શાળામાં બે છોકરીઓની જાતીય સતામણીની ઘટનાથી સમગ્ર વિસ્તારમાં રોષ ફેલાયો છે. અક્ષય શિંદે નામના એક વ્યક્તિ કે જે શાળાના શૌચાલય સાફ કરતો હતો, તેના પર છોકરીઓનું યૌન શોષણ કરવાનો આરોપ છે. અહેવાલો અનુસાર, પીડિતોમાંથી એક ચાર વર્ષનો અને બીજો છ વર્ષનો છે. આ ઘટના ૧૨ અને ૧૩ ઓગસ્ટના રોજ બની હતી. આરોપી અક્ષય શિંદેને ૧ ઓગસ્ટ, ૨૦૨૪ના રોજ શાળામાં શૌચાલય સાફ કરવા કોન્ટ્રાક્ટ પર ભરતી કરવામાં આવ્યો હતો. શાળાએ છોકરીઓના શૌચાલયની સફાઈ માટે કોઈ મહિલા કર્મચારીઓની નિમણૂક કરી ન હતી. જેનો લાભ લઈને આરોપીઓએ ૧૨ અને ૧૩ ઓગસ્ટના રોજ વર્ગ દરમિયાન બાળકો સાથે દુષ્કર્મ આચર્યું હતું.