ગોધરા શહેરમાં ગણેશોત્સવને લઇને શહેરીજનો દ્વારા તૈયારીઆ શરૂ કરવામાં આવી

• સરકાર ગ્રૂપના પ્રથમ શ્રીજીનું આગમન થતાં સાંસદ રાજપાલસિંહ જાદવ પણ શોભાયાત્રામાં જોડાયા હતા

સમગ્ર ગોધરા શહેરમાં રંગેચંગે ઉજવાતા શ્રી ગણેશોત્સવની ઉજવણી કરવા માટે તૈયારીઓ શરૂ કરી દેવામાં આવી છે, ગોધરા શહેરના તમામ શ્રી ગણેશ મંડળના આયોજકો દ્વારા મંડપ બાંધવાથી લઇને તમામ તૈયારીઓ શરૂ કરી દેવામાં આવી છે, ત્યારે ગોધરા શહેરમાં તા 18 ઓગષ્ટ રવિવારથી વિઘ્નહર્તા ગણેશજીના આગમનની શરૂઆત થઈ છે, ગોધરા શહેરના પ્રભા રોડ પર આવેલ સરકાર ગ્રુપ દ્વારા સૌપ્રથમ ગણેશજીના આગમનની શોભાયાત્રા યોજવામાં આવી હતી, ગોધરા શહેરના સરદારનગર ખંડ ખાતેથી ડીજે અને લાઈટિંગ સાથે નીકળી આ શોભાયાત્રા નિજ મંડપ પહોંચી હતી, રવિવારે રાત્રે દસ કાલે આયોજિત શોભાયાત્રામાં પંચમહાલ સાંસદ રાજપાલસિંહ જાદવ પણ જોડાયા હતા.તેઓએ શ્રીજીના રથને ખેંચીને ધન્યતા અનુભવી હતી.