દાહોદ શહેરના કસ્બા વિસ્તારમાં જાહેરમાં રમાતા વરલી-મટકાના જુગારના અડ્ડા પર દાહોદ એલસીબી પોલીસે ઓચિંતો છાપો મારી એક ઈસમને ઝડપી પાડી તેની પાસેથી રૂા.12,980ની રોકડ રકમ કબજે કર્યાનું જાણવા મળે છે.
ગત તા.16મી ઓગષ્ટના રોજ દાહોદ એલસીબી પોલીસને મળેલ બાતમીના આધારે દાહોદ શહેરના કસ્બા વિસ્તારમાં ઘાંચીવાડમાં મધુર મિલનની ગલીમાં વરલી-મટકાનો જુગાર રમાતો હોવાની પોલીસને બાતમી મળી હતી. બાતમીના આધારે પોલીસે સ્થળ પર ઓચિંતો છાપો મારી વાહીદભાઈ ગનીભાઈ બજારીયાને ઝડપી પાડી તેની પાસેથી રોકડા રૂપીયા 12,980 તથા જુગારમાં વપરાતી ચીજવસ્તુઓ કબજે કરી આ સંબંધે દાહોદ એલસીબી પોલીસે દાહોદ એ ડિવીઝન પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.