દાહોદ શહેરના પરેલ વિસ્તારમાં જાહેરમાં પાના પત્તા વડે પૈસાથી રમાતા જુગારના અડ્ડા પર દાહોદ એલસીબી પોલીસે ઓચિંતો છાપો મારી પાંચ જુગારીઓને ઝડપી પાડી તેઓની અંગ ઝડતી તેમજ દાવ પરથી કુલ રોકડા રૂપીયા 12,100ની રોકડ રકમ કબજે કરી જુગારીઓને જેલના સળીયા પાછળ ધકેલી દીધાંનું જાણવા મળે છે.
ગત તા.16મી ઓગષ્ટના રોજ દાહોદ એલસીબી પોલીસને મળેલ બાતમીના આધારે દાહોદ શહેરના પરેલ વિસ્તારમાં સ્પોર્ટસ ગ્રાઉન્ડની અંદર ખુલ્લી જગ્યામાં પાના પત્તા વડે પૈસાથી રમાતા જુગારના અડ્ડા પર પોલીસે ઓચિંતો છાપો મારતાં જુગારીઓમાં નાસભાગના દ્રશ્યો સર્જાઈ જવા પામ્યાં હતાં. પોલીસે જુગાર રમી રહેલા રોહીતભાઈ રામુભાઈ સાંસી, સાવનકુમાર સુનિલભાઈ ભાટ (સાંસી), રોશનભાઈ રામસીંગભાઈ સાંસી, લખનકુમાર હરસીંગભાઈ ગોરખા, અને રાજેશ ઉર્ફે ઘોડો બાબુભાઈ ઉર્ફે બળવંતભાઈ સીસોદીયા (સાંસી)ને પોલીસે ઝડપી પાડી તેઓની અંગ ઝડતી તેમજ દાવ પરથી કુલ રોકડા રૂપીયા 12,100ની રોકડ રકમ કબજે કરી આ સંબંધે દાહોદ એલસીબી પોલીસે દાહોદ બી ડિવીઝન પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.