દાહોદ જીલ્લાના લીમખેડા તાલુકાના પનૈ ગામે એક ક્ધટેઈનર ટ્રકના ચાલકે એક મોટરસાઈકલના ચાલકને અડફેટમાં લેતાં મોટરસાઈકલના ચાલકને ગંભીર ઈજાઓ પહોંચતાં તેમનું સારવાર દરમ્યાન મોત નીપજ્યાંનું જાણવા મળે છે.
ગત તા.13મી ઓગષ્ટના રોજ દેવગઢ બારીઆના પીપલોદ પંચેલા ગામે ગુણીયા ફળિયામાં રહેતાં 41 વર્ષિય વિજયભાઈ ખાતુભાઈ વણઝારા પોતાની મોટરસાઈકલ લઈ લીમખેડાના પનૈ ગામેથી પસાર થઈ રહ્યાં હતા. તે સમયે ત્યાંથી એક ક્ધટેઈનર ટ્રકના ચાલકે પોતાના કબજાની ક્ધટેઈનર ટ્રક પુરઝડપે અને ગફલત ભરી રીતે હંકારી લાવી વિજયભાઈની મોટરસાઈકલને પાછળથી જોશભેર ટક્કર મારતાં વિજયભાઈ મોટરસાઈકલ સાથે જમીન પર પટકાતા તેઓને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેઓને તાત્કાલિક નજીકના દવાખાને સારવાર માટે લઈ જવામાં આવ્યાં હતા. જ્યાં સારવાર દરમ્યાન વિજયભાઈનું મોત નીપજતાં પરિવારજનોમાં ગમગીની છવાઈ ગઈ હતી.
આ સંબંધે ખુશાલકુમાર વિજયભાઈ વણઝારાએ લીમખેડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.