દાહોદ અનાજ મહાજન સાર્વજનિક એજ્યુકેશન સોસાયટી સંચાલિત નવજીવન સાયન્સ કોલેજ, દાહોદ ચેસના ખેલાડીઓએ તા.13-08-2024 ના રોજ આર્ટ્સ એન્ડ કોમર્સ કોલેજ, મુવાલ મુકામે શ્રીગોવિંદ ગુરૂ યુનિવર્સિટીની આંતર કોલેજ ચેસ સ્પર્ધાનું આયોજન કરવામાં આવેલ હતું. આ સ્પર્ધામાં નવજીવન સાયન્સ કોલેજ, દાહોદની બહેનોની ચેસની ટીમ 6.5 પોઈન્ટ સાથે ચેમ્પિયન બનેલ છે.
તેમજ વ્યક્તિગત સ્પર્ધામાં દિવાકર આયુષી એ દ્વિતીય અને પરમાર શીતલ તૃતીય સ્થાન પ્રાપ્ત કરેલ છે. આ ખેલાડીઓ શ્રી ગોવિંદ ગુરૂ યુનિવર્સિટી બહેનોની ચેસ ટીમમાં પસંદગી થયેલ છે અને રાષ્ટ્રીયકક્ષાએ યુનિવર્સિટીની ટીમનું પ્રતિનિધિત્વ કરશે.
ખેલાડીઓની વિશેષ સિદ્ધિ બદલ કોલેજના કાર્યકારી આચાર્ય ર્ડા.જી.જે.ખરાદી એ તેમની મહેનતને બિરદાવી છે અને રાષ્ટ્રીયકક્ષાની સ્પર્ધા માટે પણ પ્રોત્સાહન આપેલ છે. આ ખેલાડીઓને કોચિંગ અને આ કક્ષાએ સ્પર્ધામાં ભાગ લેવા માટે તૈયાર કરવામાં શારીરીક શિક્ષણ અને રમત-ગમતના નિયામક ર્ડા. વી.જે.ચૌહાણએ માર્ગદર્શન આપેલ છે. સંસ્થા તેમજ કોલેજનું નામ યુનિવર્સિટી કક્ષાએ રોશન કરવા બદલ કોલેજ પરિવાર તરફથી શુભેચ્છાઓ પાઠવવામાં આવેલ છે.