ભારતના વિદેશ મંત્રી ડૉ. એસ. જયશંકર માલદીવની મુલાકાતે છે. ડૉ.જયશંકર ટૂંક સમયમાં માલદીવના વિદેશ મંત્રી મુસા જમીર સાથે અનેક વિકાસ પરિયોજનાઓનું ઉદ્ઘાટન કરશે. જે વિકાસ પરિયોજનાઓનું ઉદ્ઘાટન કરવામાં આવશે તે ભારત સરકાર દ્વારા ભંડોળ પૂરું પાડવામાં આવે છે. માલદીવના વિદેશ મંત્રી મુસા ઝમીને ડૉ. જયશંકર સાથેની પોતાની તસવીરો શેર કરતા આ માહિતી આપી હતી.
મુસા જમીરે સોશિયલ મીડિયા પર શેર કરેલી પોસ્ટમાં લખ્યું છે કે ’ભારતીય વિદેશ મંત્રી ડૉ. એસ. જયશંકરનું અડ્ડુ શહેરમાં સ્વાગત કરીને આનંદ થાય છે. અમે ટૂંક સમયમાં રિક્લેમેશન અને કોસ્ટ કન્ઝર્વેશન પ્રોજેક્ટ અને ફોર-લેન ડિટોર લિંક રોડ પ્રોજેક્ટના હસ્તાંતરણ સમારોહનું ઉદ્ઘાટન કરીશું. બંને પ્રોજેક્ટ માટે લોનની સુવિધા ભારત સરકાર દ્વારા એક્ઝિમ બેંક દ્વારા પૂરી પાડવામાં આવી છે. આ પ્રોજેક્ટ્સ અડ્ડુ શહેરના લોકોના વિકાસ અને સમૃદ્ધિમાં ફાળો આપશે.
શનિવારે, માલદીવ ડેમોક્રેટિક પાર્ટીના પ્રમુખ અબ્દુલ્લા શાહિદે રાજધાની માલેમાં વિદેશ પ્રધાન એસ જયશંકરને પણ મળ્યા હતા અને વિશ્ર્વાસ વ્યક્ત કર્યો હતો કે ભારત હંમેશા માલદીવને તેની જરૂરિયાતના સમયે મદદ કરવા માટે સાથે રહેશે. એમડીપીએ એક નિવેદન જારી કરીને કહ્યું કે ભારત અને માલદીવ વચ્ચેના પરસ્પર સંબંધો પરસ્પર સન્માન, આંતરરાષ્ટ્રીય કાયદા, પ્રાદેશિક સાર્વભૌમત્વ અને સામાન્ય હિતો તેમજ પ્રાદેશિક સુરક્ષા પર આધારિત છે.
વિદેશ મંત્રી જયશંકરે માલદીવની તેમની મુલાકાત દરમિયાન ઇં૧૧૦ મિલિયનના સ્વચ્છ પાણી પ્રોજેક્ટનું ઉદ્ઘાટન પણ કર્યું હતું. આ માટે ભારત દ્વારા ભંડોળ પણ આપવામાં આવ્યું છે. માલદીવમાં મોહમ્મદ મુઇઝ્ઝુની સરકાર આવ્યા બાદ ભારતીય વિદેશ મંત્રીની માલદીવની આ પ્રથમ મુલાકાત છે.