કાલોલ તાલુકાના ખડકી ગામે પીંગળીની મુવાડી ગામે કેટલાક ઈસમો જાહેરમાં જુગાર રમતા હોય તેવી બાતમીના આધારે પોલીસે રેઈડ કરી બે જુગારીયાઓને ઝડપી પાડવામાં આવ્યા હતા.
પ્રાપ્ત માહિતી અનુસાર કાલોલ તાલુકાના ખડકી ગામે પીંગળીની મુવાડીમાં કેટલાક ઈસમો જાહેરમાં જુગાર રમી રહ્યા છે તેવી બાતમીના આધારે પોલીસે રેઈડ કરી હતી. રેઈડ દરમિયાન સુરેશભાઈ ઉર્ફે પિંટો નરવતભાઈ ગોહિલ, સચીન દલપતભાઈ પટેલને ઝડપી પાડવામાં આવ્યા હતા. ઝડપાયેલ ઈસમોની અંગઝડતી અને દાવ ઉપર 3,380/-રૂપિયા જપ્ત કરવામાં આવ્યા હતા. જયારે વજરાજ વિજયસિંહ પટેલ, તુષારભાઈ જાદવ, કમલેશભાઈ ગોહિલ નાસી છુટ્યા હતા. આ બાબતે વેજલપુર પોલીસ મથકે જુગારધારા હેઠળ ફરિયાદ નોંધાવવા પામી છે.