ગોધરા મુસ્લિમ સોસાયટી-બી અબરાર મસ્જિદ પાછળ આરોપીએ પોતાના રહેણાંક મકાનમાં માંસનો જથ્થો રાખેલ છે તેવી બાતમીના આધારે પોલીસે રેઈડ કરી હતી. અને માંસનો જથ્થો 102 કિલો મળી કુલ રૂ.28,000/-નો મુદ્દામાલ કબ્જે લેવામાં આવ્યો હતો. આ બાબતે બી-ડીવીઝન પોલીસ મથકે ફરિયાદ નોંધાવવા પામી છે.
પ્રાપ્ત માહિતી અનુસાર ગોધરા મુસ્લિમ સોસાયટી-બી અબરાર મસ્જિદ પાછળ આરોપી રૂહુલઅમીન અ.રઝઝાક દુરવેશ ઉર્ફે ટીપુ પોતાના કબ્જાના રહેણાંક ધરમાં માંસનો જથ્થો રાખેલ છે તેવી બાતમીના આધારે પોલીસે રેઈડ કરી હતી. રેઈડ દરમિયાન માંસ 102 કિલો કિ.રૂ.20,400/-તથા ફ્રિઝમાંથી 5,000/-રૂપિયાનો માંસનો જથ્થો ઝડપી પાડવામાં આવ્યો હતો. જયારે વજનકાંટો, છરી, મોબાઈલ ફોન નંગ-3, મળી કુલ રૂ.28,000/-નો મુદ્દામાલ કબ્જે લેવામાં આવ્યો હતો. ઝડપાયેલ માંસનો જથ્થો ગોૈમાંસ છે કેમ તેની તપાસ કરવા કબ્જે લેવામાં આવ્યો હતો.આ બાબતે બી-ડીવીઝન પોલીસ મથકે ફરિયાદ નોંધાવવા પામી છે.