વેનેઝુએલા લેટિન અમેરિકન દેશમાં વિશ્વનો સૌથી મોટો તેલ ભંડાર છે. એક સમય હતો જ્યારે આ દેશ લેટિન અમેરિકાની ટોચની અર્થવ્યવસ્થા હતી. પરંતુ છેલ્લા ૧૦ વર્ષમાં આ દેશ એટલો બધો પતન પામ્યો છે કે બધું બરબાદ થઈ ગયું હોય તેવું લાગે છે. લોકો તેમના દેશના આ વિનાશ માટે તેમના રાષ્ટ્રપતિ નિકોલસ માદુરોને જવાબદાર માને છે. આશ્ર્ચર્યજનક રીતે તેઓ ફરીથી ચૂંટણી જીત્યા છે.
માદુરોના શાસન દરમિયાન વેનેઝુએલાના જીડીપીમાં ૮૦ ટકાનો ઘટાડો થયો હતો. મોંઘવારી અને ગરીબીને કારણે ૧૦ વર્ષમાં ૭૦ લાખ લોકોએ દેશ છોડી દીધો.
વેનેઝુએલા એક સમયે લેટિન અમેરિકાનો સમૃદ્ધ દેશ હતો, પરંતુ હવે આ દેશની અર્થવ્યવસ્થા સંપૂર્ણપણે પડી ભાંગી છે. આનો અંદાજ અહીંના ફુગાવાના દર પરથી લગાવી શકાય છે જે ૧૦ વર્ષમાં ૧૩૦,૦૦૦ ટકાથી વધુ વયો છે. વેનેઝુએલામાં સામાન્ય માણસ વીજળીની કટોકટીથી લઈને દરેક પ્રકારના સંકટમાંથી પસાર થઈ રહ્યો છે.
વેનેઝુએલામાં વિશ્વનો સૌથી મોટો તેલ ભંડાર છે, અહીં એક લિટર પેટ્રોલની કિંમત ૨ રૂપિયાથી પણ ઓછી છે. તેલની સંપત્તિ હોવા છતાં આ દેશમાં લોકો બે દિવસની રોટલી માટે તરસી રહ્યા છે. કારણ કે, વેનેઝુએલામાં છૂટક ફુગાવાનો દર વિશ્વમાં સૌથી વધુ છે. સ્થિતિ એ છે કે અહીં ગરીબ લોકો નકલી ખોરાક ખાવા માટે મજબૂર છે.
આ સ્થિતિઓને કારણે એક દાયકામાં ૭૦ લાખથી વધુ લોકોએ દેશ છોડી દીધો. સવાલ એ છે કે આ સમૃદ્ધ દેશની આ હાલત કેવી રીતે થઈ? ઘણા નિષ્ણાતો કહે છે કે આ દેશની ખરાબ સ્થિતિ માટે સમાજવાદી નીતિઓ અને અમેરિકા સાથેનો સંઘર્ષ જવાબદાર છે. ૧૦ વર્ષ પહેલા સત્તામાં આવ્યા બાદ નબળી આર્થિક નીતિઓને કારણે મોંઘવારી ઝડપથી વધી હતી.