આ દિવસોમાં જાન્હવી તેની ફિલ્મ ’ઉલ્જ’ માટે સતત ચર્ચામાં છે. જાહ્નવીની ફિલ્મ ’ઉલ્જ’ ૨ ઓગસ્ટે સિનેમાઘરોમાં રિલીઝ થશે. જાહ્નવીની દરેક ફિલ્મની રિલીઝની ચાહકો આતુરતાથી રાહ જોતા હોય છે. ફિલ્મોમાં વ્યસ્ત હોવા છતાં પણ જાહ્નવી રોમાન્સ માટે સમય કાઢે છે. જાન્હવી અને શિખર તાજેતરમાં અનંત અંબાણી અને રાધિકાના લગ્ન સમારોહમાં સાથે જોવા મળ્યા હતા. જ્હાન્વી અને શિખર પહરિયા વચ્ચેનો રોમાંસ અવારનવાર સમાચારોમાં રહે છે. જાન્હવી અને શિખર તેમના પ્રેમને વ્યક્ત કરવામાં ક્યારેય ડરતા નથી. જો કે, બંનેએ હજુ સુધી તેમના સંબંધો વિશે કોઈ સત્તાવાર પુષ્ટિ આપી નથી. તાજેતરમાં, જાહ્નવી કપૂરે તેને ડેટિંગ અંગે મળેલી સલાહ વિશે એક રસપ્રદ ઘટસ્ફોટ કર્યો હતો. આ સાથે જાહ્નવીએ તેના ડ્રીમ વેડિંગ ડેસ્ટિનેશન વિશે જણાવ્યું.
રિપોર્ટ્સ અનુસાર, જ્યારે એક ઈન્ટરવ્યુ દરમિયાન જાહ્નવીને પૂછવામાં આવ્યું કે, તેને અત્યાર સુધીની સૌથી વાહિયાત રિલેશનશિપ સલાહ કઈ હતી. આના પર તેણે જવાબ આપ્યો, તમે ઓપન રિલેશનશીપ કેમ નથી અજમાવતા? આ વીડિયો હવે સોશિયલ મીડિયા પર વાયરલ થયો છે, જેને જોઈને જ્હાન્વીના ફેન્સ અનુમાન લગાવવાનો પ્રયાસ કરી રહ્યા છે કે તેને આ સલાહ કોણે આપી હશે.
રિપોર્ટ્સ અનુસાર, જ્યારે એક ઈન્ટરવ્યુ દરમિયાન જાહ્નવીને તેના ડ્રીમ વેડિંગ ડેસ્ટિનેશન વિશે પૂછવામાં આવ્યું તો તેણે તિરુપતિને તેનું ફેવરિટ ડ્રીમ વેડિંગ ડેસ્ટિનેશન ગણાવ્યું. જાન્હવી અવારનવાર તિરુપતિની મુલાકાત લે છે.
જાહ્નવી કપૂરની ઘણી બધી ફિલ્મો બેક ટુ બેક રિલીઝ થઈ રહી છે, જેના કારણે તેના ફેન્સને જાહ્નવીને અલગ-અલગ રોલમાં જોવાનો મોકો મળી રહ્યો છે અને જાહ્નવીના ફેન્સ આનાથી ઘણા ખુશ છે. ફિલ્મ ’મિસ્ટર એન્ડ મિસિસ માહી’ની અપાર સફળતા બાદ, હવે જાહ્નવી ’ઉલ્જ’ માટે પણ ઘણી પ્રશંસા મેળવી રહી છે. ’ઉલ્જ’નું ટ્રેલર અને ગીતો રિલીઝ થઈ ગયા છે. જાહ્નવી ’ઉલ્જ’માં સુહાનાનું પાત્ર ભજવે છે, જે લંડન એમ્બેસીમાં તેની મહત્વપૂર્ણ સોંપણી દરમિયાન વિશ્ર્વાસઘાત ષડયંત્રમાં ફસાઈ જાય છે. આ થ્રિલર ફિલ્મ ૨ ઓગસ્ટ, ૨૦૨૪ના રોજ સિનેમાઘરોમાં રિલીઝ થવાની છે. સુધાંશુ સરિયા દ્વારા નિર્દેશિત આ ફિલ્મમાં ગુલશન દેવૈયા, રોશન મેથ્યુ, આદિલ હુસૈન મહત્વની ભૂમિકામાં જોવા મળશે. આ સિવાય જાહ્નવી ’આસી ૧૬’માં રામ ચરણ સાથે અને ’દેવરા’માં જુનિયર એનટીઆર સાથે જોવા મળશે.