કાલોલ શહેર સહિત તાલુકાની લાઈફલાઈન ગણાતી ગોમા નદીમાં પાછલા ચારથી પાંચ દિવસ દરમ્યાન ઉપરવાસમાં ભારે વરસાદને પગલે આ ચોમાસામાં પહેલીવાર ગોમા નદીમાં નવા નીર આવ્યા છે અને ગોમા નદી વહેતી થતા નદીનો નજરો જોવા લોકો ઉમટી પડ્યા હતા. ત્યારે ગોમા નદીમાં આવેલા નવા નીર લઇને નદી પરના ચેકડેમો ઓવરફ્લો થતાં ધસમસતા પાણીના મનોરમ્ય દ્રશ્યો પણ સર્જાયા હતાં લગભગ બારેમાસ સૂકીભટ રહેતી ગોમા નદીમાં આ વર્ષે સિઝનમાં પ્રથમ વખત વરસાદી પાણીની આવક થતા નદી કાંઠે વસતા લોકોમાં આનંદની લાગણી પ્રસરી હતી. અત્રે ઉલ્લેખનીય છે કે જો નદીના નવા નીર વહેતાં થતાં નદી કાંઠા વિસ્તારના અનેક ગામોના જળ સ્ત્રોતોના ઊંચા આવે છે. જેથી આખા વર્ષ દરમિયાન પીવા અને સિંચાઇના પાણી માટે નદી વરદાયીની બની છે.