સુપ્રીમ કોર્ટે આસામના ડિટેન્શન સેન્ટરમાં નાગરિક સુવિધાઓના અભાવ પર નારાજગી અને અસંતોષ વ્યક્ત કર્યો છે. જસ્ટિસ અભય એસ ઓક અને જસ્ટિસ એજી મસીહની ખંડપીઠે આ મામલામાં દાખલ પીઆઈએલની સુનાવણી કરતા કહ્યું કે, ત્યાં રહેતા લોકો માટે યોગ્ય પાણી, વીજળી, શૌચાલય અને તબીબી સુવિધાઓનો સંપૂર્ણ અભાવ છે. આ રાજ્યની સૌથી ખરાબ સ્થિતિ એટલે કે સોરી સ્ટેટ દર્શાવે છે. આ સ્થિતિ આસામ લીગલ સવસ ઓથોરિટીના સેક્રેટરીના રિપોર્ટ પરથી સામે આવી છે.
જે લોકોની નાગરિક્તા શંકાસ્પદ છે તેમને આ અટકાયત કેન્દ્રોમાં રાખવામાં આવ્યા છે. સુપ્રીમ કોર્ટે આસામમાં અટકાયત કેન્દ્રોમાં પાણી, યોગ્ય શૌચાલય અને તબીબી સુવિધાઓના અભાવની દુ:ખદ સ્થિતિ પર ચિંતા વ્યક્ત કરી છે, જ્યાં શંકાસ્પદ નાગરિક્તા ધરાવતા લોકોને રાખવામાં આવે છે. બેન્ચે આસામના મતિયાલમાં અટકાયત કેન્દ્ર અંગે આસામ લીગલ સવસ ઓથોરિટીના સચિવના અહેવાલનો ઉલ્લેખ કર્યો હતો.
અમને જાણવા મળ્યું કે સુવિધાઓ ખૂબ જ નબળી છે, પૂરતો પાણી પુરવઠો નથી, બેંચે આદેશ આપ્યો. ત્યાં કોઈ યોગ્ય સ્વચ્છતા વ્યવસ્થા નથી, યોગ્ય શૌચાલય નથી. રિપોર્ટમાં ખોરાક અને તબીબી સુવિધાઓની ઉપલબ્ધતાનો ઉલ્લેખ નથી. અમે એસએસએસએના સચિવને બીજી મુલાકાત લેવાનો નિર્દેશ આપીએ છીએ, જેથી રિપોર્ટમાં ઉલ્લેખિત સુવિધાઓ જ નહીં, પણ ભોજનની ગુણવત્તા અને માત્રા, રસોડામાં સ્વચ્છતાની પણ ખાતરી કરી શકાય. સચિવે ૩ અઠવાડિયાની અંદર નવો રિપોર્ટ સબમિટ કરવાનો રહેશે. દેશનિકાલના મુદ્દે કેન્દ્રએ ત્રણ અઠવાડિયામાં જવાબ દાખલ કરવો જોઈએ.